अमळनेर (प्रतिनिधी)रेशन कार्ड बनवून देण्यासाठी दिलेल्या पैशांवरून दोन महिलांमध्ये झालेल्या वादा प्रकरणी परस्परविरोधी दरोडा आणि जातीवाचक शिवीगाळ केल्याचा गुन्हा दाखल करण्यात आला आहे.
पहिली फिर्याद अमळनेर शहरातील पैलाड भागातील साई गजानननगर मधील सविता रवींद्र दाभाडे या महिलेने दिली आहे. त्यांनी फिर्यादीत म्हटले आहे की, त्यांनी रेशन कार्ड बनवण्यासाठी 2 वर्षांपूर्वी ज्योती भोई या महिलेला 3 हजार रुपये दिले होते. मात्र त्यांनी रेशन कार्ड बनले नाही म्हणून तिला वारंवार विचारणा केली असता तिने 5 हजार रुपयांची मागणी केली. एव्हडे पैसे देऊ शकत नाही म्हणून सविता 19 रोजी दुपारी 2 वाजता ज्योती भोई हिच्या घरी पैसे परत मागायला गेली असता ज्योती भोई हिने तिला जातीवाचक शिवीगाळ केली महिलेच्या फिर्यादीवरून ज्योती भोई विरुद्ध अट्रोसिटीचा गुन्हा दाखल करण्यात आला असून तपास डी वाय एस पी सौरभ अग्रवाल करीत आहेत.
दुसरी फिर्याद ज्योती धनराज भोई यांनी दिली आहे. त्यांनी दिलेल्या फिर्यादीत म्हटले आहे की, 19 रोजी दुपारी साडे तीन वाजता सविता रवींद्र दाभाडे (रा.अमळनेर) व मनीषा प्रल्हाद शेजवळ (रा. धुळे) यांच्यासोबत 6 महिला घरी आल्या व रेशन कार्डसाठी दिलेले पैसे परत दिले नाही तर तुला जीवंत सोडणार नाही म्हणत बळजबरीने घरात घुसून शिवीगाळ करून मारहाण केली व केस ताणले आणि गळ्यातील दोन तोळ्यांचा 60 हजार रुपयांचा सोन्याचा गोफ तसेच कानातले रिंग तोडून नेली आणि मोबाईल आपटून फोडून टाकला. यावरून सविता दाभाडे , मनीषा शेजवळ यांच्यासह अनोळखी 6 महिलांवर भादवी 395 , 323 , 504 , 506 , 427 प्रमाणे दरोडा व मालमत्तेचे नुकसान केले म्हणून गुन्हा दाखल करण्यात आला असून तपास पोलीस उपनिरीक्षक राहुल लबडे करीत आहेत.
कोणत्याही टिप्पण्या नाहीत:
टिप्पणी पोस्ट करा