उस्मानाबाद (राहूल शिंदे) दि.16
काल भारताचा 74व्या भारतीय स्वातंत्र्य दिनाच्या निमित्ताने जिल्हाधिकारी कार्यालय, उस्मानाबाद(धाराशिव) येथे मृद व जलसंधारण मंत्री तथा पालकमंत्री ना शंकरराव गडाख-पाटील साहेब यांच्या हस्ते ध्वजारोहण करण्यात आले.
स्वातंत्र्य दिनाच्या निमित्ताने देशाला स्वातंत्र्य मिळवून देण्यासाठी ज्यांनी प्राणांची आहुती दिली, त्या सर्वांना पुष्पहार अर्पण करून नमन केले. देश व राज्य मोठ्या एकजूटीने कोरोनाच्या संकटाशी लढत आहे. या लढाईत आघाडीवर असलेले कोरोना योद्धे, स्वच्छता कर्मचारी, स्वस्तधान्ये दुकानदार, पोलिस कर्मचारी, जनजागृती करणारे मीडिया प्रतिनिधी व कोरोनावर मात करून बरे झालेले नागरिक यांचा स्वातंत्र्य दिनानिमित्त सत्कार केला.
याप्रसंगी जिल्ह्याचे खासदार ओमप्रकाश राजेनिंबाळकर, जिल्हाधिकारी सौ.दिपा मुधोळ-मुंडे, जि.प.अध्यक्ष सौ.अस्मिता कांबळे, उपाध्यक्ष धनंजय सावंत,आ.कैलास घाडगे-पाटील, नगराध्यक्ष मकरंद राजेनिंबाळकर, मुख्य कार्यकारी अधिकारी डॉ.संजय कोलते, पोलिस अधिक्षक राजतीलक रोशन, सर्व प्रमुख प्रशासकीय अधिकारी तसेच पुरस्कार प्राप्त शासकीय कर्मचारी, पोलिस कर्मचारी, वैद्यकीय कर्मचारी, पत्रकार बंधू उपस्थित होते.
कोणत्याही टिप्पण्या नाहीत:
टिप्पणी पोस्ट करा