नवापूरमध्ये सार्वजनिक किंवा गर्दीच्या ठिकाणी मास्क न लावल्यास भरावा लागेल दंड
कोरोना निर्मूलनाबाबत च्या आदेशाचे पालन व्हावे यादृष्टीने आज दि.20 रोजी नवापूर नगर परिषदेने काढलेल्या आदेशात नवापूर शहरातील सार्वजनिक आणि गर्दीच्या ठिकाणी चेहऱ्यावर मास्क किंवा रुमाल न लावल्यास 200 रुपये दंड करण्याचे निर्देश नगरपरिषदेच्या मुख्याधिकारी तृप्ती धोडमिसे यांनी दिले आहेत.
सार्वजनिक ठिकाणी पान किंवा तंबाखूचे सेवन केल्यास 100 रुपये दंड आकारणी करण्यात येईल.
(मेडिकल दुकाने व दवाखाने सोडून) सकाळी 9 ते सायंकाळी 7 या निर्धारीत वेळेव्यतिरिक्त दुकाने सुरू ठेवल्यास 500 रुपये दंड आकारण्यात येईल.
रविवारी जनता कर्फ्यु दरम्यान केवळ दूध आणि वृत्तपत्र विक्रीस सकाळी 7 ते 9 या वेळेत अनुमती असेल. (दिवसभर मेडिकल दुकान व दवाखाने सोडून) इतर दुकाने सुरू राहिल्यास 1000 रुपये दंड आकारण्यात येणार आहे.
दंडाची रक्कम भरण्यास जर कोणी टाळाटाळ केल्यास त्यांच्या विरुद्ध आपत्ती व्यवस्थापन कायदा 2005, साथरोग प्रतिबंधक कायदा 1897 आणि भारतीय दंड संहिता 1860 चे कलम 188 नुसार योग्य ती कारवाई करण्यात येईल, असे आदेशाच्या पत्रात नमूद करण्यात आले आहे.
कोणत्याही टिप्पण्या नाहीत:
टिप्पणी पोस्ट करा