२१ सप्टेंबर २०२०(शिरपूर) नुकत्याच केंद्र सरकारने जाहीर केलेल्या कांदा निर्यातबंदी चा निर्णय झाला.शेतकरी अनेक संकटे झेलून शेती करतो, दर दोन वर्षांनी असणारा अवकाळी पाऊस व लॉकडाऊन नंतर कोरोनाच्या पार्श्वभूमीवर शेतकरी पूर्णपणे उध्वस्त झाले.यात भर म्हणून सरकार ने कांदा निर्यात बंदी जाहीर केली .
या निर्णयामुळे कांद्याचे भाव साहजिकच ढासळणार आणि शेतकरी पुन्हा आर्थिक संकटात येणार. महोदय शेतकरी पिकवतो म्हणून लॉकडाऊन मध्ये सुद्धा ग्रामीण व कृषी अर्थ व्यवस्था तग धरून आहे.याच कारणाने कांदा उत्पादक शेतकऱ्यांचे हित लक्षात घेऊन लवकरात लवकर कांदा निर्यात बंदी उठवावी अशी मागणी निवेदनाद्वारे शिरपूर तहसीलदार मा.श्री आबा महाजन यांना करण्यात आली व कांदा निर्यात बंदीचा कृषी पदवीधर संघटना शिरपूर तालुका यांच्याकडून जाहीर निषेध करण्यात आला.
यावेळी कृषी पदवीधर संघटनेचे धनंजय चौधरी (धुळे जिल्हा अध्यक्ष ,उद्योग आघाडी), प्रेम चौधरी (शिरपूर तालुका उपाध्यक्ष,युवक आघाडी),आशिष सिसोदिया (तालुका अध्यक्ष,विद्यार्थी आघाडी)व इतर पदाधिकारी उपस्थित होते.
कोणत्याही टिप्पण्या नाहीत:
टिप्पणी पोस्ट करा