' कोरोना ' जनजागृतीसाठी आणि आरोग्य सर्वेक्षणासाठी शासनाने ' माझे कुटुंब , माझी जबाबदारी ' मोहिम हाती घेतली असून,या मोहिमेंतर्गत आरोग्य सर्वेक्षणास नवापूरमध्ये आमदार नाईक यांच्या हस्ते आरोग्य कर्मचाऱ्यांना साहित्य वाटप करून आमदार शिरीषकुमार नाईक यांच्या घरापासून सर्वेक्षणाचा प्रारंभ करण्यात आला.
आजपासून अडीच हजारांवर आरोग्य कर्मचारी घरोघरी जाऊन १ ९ लाख नागरिकांच्या आरोग्याची माहिती घेणार आहेत. २५ ऑक्टोबरपर्यंत सर्वेक्षण होणार आहे.
सर्व नागरिकांनी आरोग्य पथकाला सहकार्य करावे व मोहिमेत सहभाग घ्यावा, असे आवाहन श्री.नाईक यांनी यावेळी केले. यावेळी नगराध्यक्षा हेमलता पाटील, सहायक जिल्हाधिकारी तथा नगर परिषदेच्या मुख्याधिकारी तृप्ती धोडमिसे, तालुका वैद्यकीय अधिकारी शशिकांत वसावे आदी उपस्थित होते. आमदार नाईक यांनी आदिवासी भाषेतून नागरिकांना मोहिमेत सहभागी होण्याचे आवाहन केले.
कोणत्याही टिप्पण्या नाहीत:
टिप्पणी पोस्ट करा