उस्मानाबाद (राहूल शिंदे) दि.20 जिल्ह्याचे खासदार ओमप्रकाश राजेनिंबाळकर यांनी काल नवीदिल्ली येथे खा.छत्रपती संभाजीराजे भोसले यांची भेट घेऊन मराठा आरक्षण मिळण्या संदर्भात चर्चा केली व तसे पत्र दिले.
या पत्रात म्हटले आहे की,मराठा समाजाला आरक्षण मिळावे यासाठी सर्व समाज बांधवांनी एकत्र येऊन मोठा लढा दिला आहे,त्यामुळेच महाराष्ट्र सरकारने मराठा समाजाला नोकरी व शिक्षणात आरक्षण दिले होते.या आरक्षणामुळे मराठा समाजातील गरीब व तरुण लोकांना मोठ्या प्रमाणावर फायदा झाला आहे.परंतू काही दिवसांपूर्वी मा.सर्वच्च न्यायालयाने मराठा आरक्षणाला स्थगिती दिली असल्याने समाजाच्या भावना दुखावल्या असून समाजासाठी काम करणाऱ्या अनेक संघटना एकत्रपणे येऊन याचा विरोध करत आहेत.
राजे आपणांस माझी विनंती की, आपण मराठा समाजाचे नेतृत्व करावे.मराठा समाजाला आरक्षण मिळवण्यासाठी मी स्वतः या लढ्यात आपल्या बरोबर आहे.आपल्या नेतृत्वाखाली महाराष्ट्रातील सर्व खासदार व मा.पंतप्रधान साहेब यांच्या समवेत बैठक बोलवावी, ही नम्र विनंती.
असे दिलेल्या पत्रात खा.निंबाळकर यांनी म्हटले आहे.
कोणत्याही टिप्पण्या नाहीत:
टिप्पणी पोस्ट करा