उस्मानाबाद,(राहूल शिंदे) दि.21:-महाराष्ट्र शासन,कौशल्य विकास रोजगार व उद्योजकता विभागाच्या वतीने नोकरी इच्छुक उमेदवारासाठी एम्पलॉयमेंट नोंदणी कार्ड www.mahaswayam.in हे वेबपोर्टल विकसीत करण्यात आले आहे.
जिल्ह्यातील सर्व नोकरी इच्छुक उमेदवार कौशल्य विकास प्रशिक्षण घेऊ इच्छिणारे उमेदवार तसेच या वेबपोर्टलवर नोंदणी केलेले सर्व उमेदवार ज्यांनी अद्याप पर्यंत आपले आधार कार्ड एम्पलॉमेंट कार्डशी लिंक केलेले नाही. त्यांनी वेबसाईटवर आपला आधार क्रमांक व प्रोफाईल तात्काळ अपडेट करुन घ्यावी.
यापुर्वीची आधार लिंक करण्याची तारीख 31ऑगस्ट 2020 पर्यंत होती. त्यास मुदतवाढ देवुन ही मुदत 30 सप्टेंबर 2020 पर्यंत वाढविण्यात आलेली आहे.
संबंधित उमेदवारानी आपला आधार क्रमांक व प्रोफाईल तात्काळ अपडेट (अद्यावत) न केल्यास आपली नोंदणी 30 सप्टेंबर 2020 अखेर रद्द होईल, असे सहायक आयुक्त कौशल्य विकास रोजगार व उद्योजकता मार्गदर्शन केंद्र,मध्यवर्ती प्रशासकीय इमारत उस्मानाबाद यांनी असे प्रसिध्दी पत्रकाद्वारे कळविले आहे.
कोणत्याही टिप्पण्या नाहीत:
टिप्पणी पोस्ट करा