भूम (राहुल शिंदे)दि.7 स्पर्धा परीक्षांच्या अभ्यासात मदत करण्याची बतावणी करून सांगली जिल्ह्यातील कडेगांव पोलीस स्टेशन चे वरिष्ठ पोलीस निरीक्षक विपीन हसबनीस यांनी वारंवार बलात्कार केल्याची तक्रार २८ वर्षीय पीडित तरुणीने शुक्रवारी २८ ऑगस्ट रोजी कडेगाव पोलीस ठाण्यात दिली आहे.
त्यानुसार विपीन हसबनीस याच्यावर बलात्काराचा गुन्हा दाखल करण्यात आला आहे . मात्र आठ दिवस होऊनही आरोपीला अटक करण्यात आली नाही.
राज्यात माहिला व मुलींवर बलात्काराच्या घटना दिवसेंदिवस वाढत असून याप्रकरणी राज्य सरकारने कडक पावले उचलून उच्चस्तरीय चौकशी समिती नेमुन बलात्कार पिडीत तरुणीला न्याय मिळवून देण्याची मागणी विश्व मराठा संघ धाराशिवच्या वतीने मुख्यमंत्र्यांकडे दिं 7 सप्टेंबर रोजी भुम तहसीलदार यांच्या मार्फत निवेदना द्वारे करण्यात आली.
यावेळी जिल्हाप्रमुख सोमनाथ कोकाटे युवकजिल्हाध्यक्ष अजित तांबे पाटील युवकजिल्हाकार्याध्यक्ष उमेश जाधव आदी यावेळी उपस्थित होते.
कोणत्याही टिप्पण्या नाहीत:
टिप्पणी पोस्ट करा