पंतप्रधान मा.नरेंद्र मोदी यांच्या जन्मदिवसानिमित भाजपा राबविणार सेवा सप्ताह...!

                        

जामनेर(प्रतिनिधी) संजय सूर्यवंशी

येत्या १७सप्टेंबर ला देशाचे लोकप्रिय पंतप्रधान नरेंद्र मोदी यांच्या जन्मदिवसा निमित्ताने भारतीय जनता पार्टीच्या वतीने 'सेवा सप्ताह'राबविण्यात येणार असल्याचे रावेर लोकसभा मतदारसंघाचे सेवा सप्ताह प्रमुख अजय भोळे यांनी तालुका भाजपा बैठकीत बोलतांना सांगितले. 

तसेच या  काळात सेवा सप्ताह च्या माध्यमातून कुत्रीम अवयव दान, चष्मे वाटप,वृक्ष लागवड, फळ वाटप,प्लाझ्मा दान,रक्तदान असे अनेक लोकाभिमुख कार्यक्रम राबवुन पंतप्रधान नरेंद्र मोदी यांच्या जन्मदिवस मोठ्या उत्साहात साजरा करण्यात यावा असे आवाहन करण्यात आले. त्याचबरोबर २५सप्टेंबर ला पंडित दीनदयाल उपाध्यय यांच्या जयंती निमित्त बूथ सक्षमीकरण हा कार्यक्रम राबवून प्रत्येक बूथ वर पंडित दीनदयाल उपाध्यय यांच्या जीवनचरित्र वर आधारित चित्रफीत दाखविण्यात येणार असल्याचे सांगितले.२आक्टोबर महात्मा गांधी यांच्या जयंतीनिमित्त प्रत्येक मंडल ठिकाणी स्वच्छता अभियान राबविण्यात येणार असल्याचे सांगितले. तसेच यावेळी भाजपा तालुका अध्यक्ष चंद्रकांत बाविस्कर यांनी करोनाच्या पार्श्वभूमीवर भारतीय जनता पक्षाच्या कार्यकर्त्यांनी प्रत्यक्ष अनेक कार्यक्रम केले आहे जसे शिधा वाटप , आर्सेनिक अलब्म च्या गोळ्या वाटप, तसेच मास्क, सॅनिटायझर ,पी. पी. इ किट वाटप केले.

अशा परिस्थिती कोणता पक्ष काम करत असेल तर तो भारतीय जनता पक्ष असल्याचे त्यांनी यावेळी सांगितले. सदर बैठकीला नवलसिंग पाटील,अमित देशमुख, जितेंद्र पाटील,उपनगर अध्यक्ष अंनिस शेख, अमर पाटील,आनंदा लाव्हरे, रविंद्र झाल्टे, अतिष झाल्टे, मुश्ताक शेट ,रंजना धुमाळ,वासुदेव घोंगडे आदी पदाधिकारी यावेळी उपस्थित होते.

पंतप्रधान नरेंद्र मोदी यांच्या वाढदिवसा निमित्त जामनेर शहरात थर्मल स्कॅनिंग ठरला  एक अभिनव उपक्रम।. एका मिनिटांत होते २०० व्यक्तीची स्कॅनिंग...चंद्रकांत बाविस्कर।                       

 

जामनेर(प्रतिनिधी) संजय सुर्यवंशी

व्यक्तीच्या शरिरातील तापमान सांगू शकणारी थर्मल स्कॅनिंग हा एक अभिनव उपक्रम असल्याचे तालुका अध्यक्ष चंद्रकांत बाविस्कर यांनी सांगितले. 

मा. पंतप्रधान नरेंद्र मोदी यांच्या ७० व्या  वाढदिवसानिमित्त जामनेर शहरात आज भाजपा च्या वतीने विविध  कार्यक्रमांचे आयोजन करण्यात आले होते.त्यात विशेष आकर्षक ठरले ते 'थर्मल स्कॅनिंग'जामनेर शहरातून करोना ला हद्दपार करण्यासाठी शहरांतील प्रत्येक नागरिकांचे थर्मल स्कॅनिंग करण्याचा निर्णय आ.गिरीश महाजन यांनी घेतला असून त्याची सुरुवात पाचोरा रोड, गणेश वाडी परिसरातून आज करण्यात आली.

पुणे येथील भारतीय जैन संघटनेचे पदाधिकारी प्रकल्प व्यवस्थापक मयूर कर्जतकर व क्षेत्र समन्वयक गौरव पानमंद आणि त्यांची टीम करत आहे. करोनाच्या या महाभयंकर आजाराला आळा घालण्यासाठी व शहरांतील व्यक्तीचे तापमान तपासण्यासाठी मोठी मदत यानिमित्ताने होत आहे. संशयित रुग्णांची लागलीच रॅपिड चाचणी करण्यात येईल  करोना आजाराचा फैलाव रोखण्यासाठी याची मोठी मदत होणार असल्याचे त्यांनी यावेळी सांगितले.

  

तसेच भारतीय जनता युवा मोर्चा च्या वतीने रक्तदान शिबीर व प्लाझ्मा डोनेट या कार्यक्रमात रक्तदान दात्यांनी प्रत्यक्ष रक्तदान केले तर तालुक्यातून ७०जण प्लाझ्मा डोनेट करणाऱ्याची यादी प्रशासनास भाजपा च्या वतीने देण्यात येणार असल्याचे सांगितले. यावेळी नगराध्यक्षा सौ.साधना महाजन,दिलीप खोडपे,जितेंद्र पाटील,नवल पाटील,महेंद्र बाविस्कर,श्रीराम महाजन,अरविंद देशमुख,अमित देशमुख,अमर पाटील,रविंद्र झाल्टे,आनंदा लाव्हरे,बाबुराव हिवराळे,विलास पाटील,रमण चौधरी,सुभाष पवार,कैलास पालवे आदी पदाधिकारी उपस्थित होते.