शिरपूर (प्रतिनिधी) शिरपूर तालुक्यातील दुर्बड्या येथील मुळ बिजासनी माता मंदिरात यावर्षी होणाऱ्या नवरात्रोत्सव साजरा होणार नसल्याचे मंदिराचे ट्रस्ट व समस्त दुर्बड्या, वकवाड ग्रामस्थ यांचेकडून प्रसिध्दी पत्रकात सांगण्यात आले असून देशात व महाराष्ट्रात कोरोना महामारीचा वाढता प्रादुर्भाव लक्षात घेता येणाऱ्या भाविकांच्या आरोग्याचा दृष्टीने मंदिराच्या ट्रस्ट व समस्त दुर्बड्या, वकवाड ग्रामस्थांनी हा निर्णय घेतला आहे.
पण दर्शनासाठी येणाऱ्या भाविकांना माता बिजासनीचे दर्शन घेण्यात येऊ शकते जर पुजा,अर्चना व मानता पुर्ण करावयाची असेल तर सोशल डिस्टंसींगसह मास्क व सॅनिटायझरचा वापर हा करावा लागेल. दर्शनासाठी येणाऱ्या भाविकांनी जास्त गर्दी न करता शिस्तीने व सोशल डिस्टंसींगसह मास्क व सॅनिटायझरचा वापर करुन दर्शन घ्यावे व मंदिर प्रशासनास सहकार्य करावे असे मुळ बिजासनी माता मंदिर प्रशासन व समस्त दुर्बड्या, वकवाड ग्रामस्थ यांनी पत्रक प्रसिध्द केले आहे याची भाविकांनी नोंद घ्यावी.
कोणत्याही टिप्पण्या नाहीत:
टिप्पणी पोस्ट करा