जामनेर: प्रतिनिधी देवपिंप्री ता. जामनेर येथील रहीवाशी व आठवडे बाजारात भाजीपाला विक्रीचा व्यवसाय करणारे भगवान धोंडु पाटील यांचा मुलगा ऋषीकेश याला नुकत्याच जाहीर झालेल्या निटच्या परीक्षेमधे ७०० पैकी ६४५ गुण मिळाले,त्याची आता डॉक्टर होण्याची ईच्छा आहे.
तल्लख बुध्दी असल्याचे ओळखुन १२ वी नंतर निटची परीक्षा देण्याचे ठरवीले पण कोटा (राजस्थान) साठी जवळ पैसा नव्हता,मात्र गांवातील राजकीय कार्यकर्ते तुकाराम निकम यांनी हि समस्या माजी मंत्री गिरीश महाजनांना सांगीतली,त्यांनी लागलीच आवश्यक पैशांसह त्याची कोटा पाठविण्याची व्यवस्था केली होती,आणी वडीलांनिही काही पैशांची तरतुद कर्ज घेऊन केली होती.
गरीबीची परीस्थिती असल्याने काही शिक्षण मामाकडे झाले,५ वीत नवोदय परीक्षा उत्तीर्ण झाल्यामुळे ६वी. ते १२वी पर्यंत चे शिक्षण नवोदय विद्यालय कन्नड औरंगाबाद) येथे झाले.१०वी.ला शेकडा ९४ टक्के गुण तर १२वी ला शेकडा ९५ टक्के गुण मिळविले. निटच्या पहील्या प्रयत्नात ४२३ गुण मिळाले होते,
त्यावर समाधान न झाल्याने ऋषीकेषने पुन्हा बसण्याचा निर्णय घेतला आणी यावेळी मात्र त्याला ७०० पैकी एकुण ६४५ गुण प्राप्त झाले.घरात कुठलीही शिक्षणाची व्यवस्था नसतांना इतके मोठं यश संपादन करणे ही अभिमानास्पद बाब आहे. आई ने दुसऱ्याच्या शेतात राबून ऋषिकेश च्या शिक्षणाला मदत केली.ऋषिकेश हा ड्रॉक्टर होऊन समाजातील गोर गरीब,वंचित अशांची सेवा करण्याचे मानस त्याने व्यक्त केले.आ. गिरीश महाजन करणार शिक्षणाचा खर्च देवपिंप्री येथील ऋषिकेश पाटील याला है यश मिळाल्यानंतर त्याने आ. महाजन यांना सविस्तर माहिती दिली.
महाजन यांनी त्याला घरी बोलवून त्यांचा सत्कार केला व यापुढील पूर्ण शिक्षणाची जबाबदारी स्वतः करेल असे आश्वासन सुद्धा यावेळी ऋषिकेश चे वडील भगवान पाटील यांना दिले.
कोणत्याही टिप्पण्या नाहीत:
टिप्पणी पोस्ट करा