उस्मानाबाद (राहूल शिंदे) दि.6 शहरातील समर्थ मंगलकार्यालय येथे मराठा आरक्षणाची पुढील दिशा व मार्ग ठरवण्यासाठी सकल मराठा समाज धाराशिव जिल्ह्याच्या वतीने सिंहावलोकन बैठकीचे आयोजन करण्यात आले आहे.
विषय : - 'एक दिशा एक भाषा, एक धोरण' तेच 'तोरण मराठ्यांचा "एकसूत्री" कार्यक्रम राज्याची "सिंहावलोकन" बैठक.
मराठा आरक्षण ही जबाबदारी खऱ्या अर्थाने केंद्र आणि राज्यसरकरची आहे परंतु राजकीय स्वार्थासाठी एकमेकांवर खापर फोडण्याच कट कारस्थान काही महान लोक करत आहेत आणि मराठा क्रांती पर्वाच्या माध्यमातून काही राजकीय दलाल घुसखोरी करून क्रांती पर्वाला त्यांना पाहिजे तशी दिशा देण्याचं काम करत आहेत आणि म्हणूनच हे कटकारस्थान हाणून पाडण्यासाठी एक दिशा एक भाषा, एक धोरण' तेच 'तोरण मराठ्यांचा "एकसूत्री" कार्यक्रम राज्याची "सिंहावलोकन" बैठक दि.7 ऑक्टो रोजी दुपारी 12 वा आयोजीत केलेली आहे.
प्रमुख मार्गदर्शक :- माजी न्यायमूर्ती बी जी कोळसे पाटील, अॅड. राजेश टेकाळे,अॅड.आशिष गायकवाड, अॅड.रमेश दुबे पाटील तसेच मुंबई हायकोर्ट मध्ये मराठा आरक्षणाच्या केस मध्ये मराठा समाजाच्या वतीने बाजू मांडणाऱ्या वकिलांची टिम, सुप्रीम कोर्ट मध्ये मराठा आरक्षणाची बाजू मांडण्यासाठी समन्वय साधणारी वकिलांची टीम राज्यभरातील अभ्यासक,मराठा आरक्षण विषयातील कायदेतज्ञ, समन्वयक, आंदोलक सर्व संघटनांच्या प्रतिनिधींना निमंत्रित करण्यात आले आहे.
तरी या बैठकीची एक आचारसंहिता सुद्धा असणार आहे तीच पालन करूनच ही बैठक पूर्ण शिस्तीत पार पडेल याची दक्षता ही आपली सर्वांची जबाबदारी असणार आहे, असे आव्हान आयोजकांच्या वतीने करण्यात येत आहे.
सिंहावलोकन परिषद पार पडल्यानंतर सायंकाळी 5 वाजता एकसूत्री धोरण आणि पुढील भूमिका ही पत्रकार परिषद घेऊन जाहीर करण्यात येणार आहे.
आयोजक अॅड. राघवेंद्र बोधले, अॅड.तानाजी चौधरी,अमोल सिरसाट, संकेत सूर्यवंशी, विष्णू इंगळे,संदीप इंगळे,ओम सूर्यवंशी, वैभव मोरे, बप्पा पवार तसेच सकल मराठा समाज उस्मानाबाद आणि महाराष्ट्र
अशी माहिती,निमंत्रक - अविनाश खापे (मराठा आरक्षण विद्यार्थी कृती समिती प्रमुख महाराष्ट्र) यांनी दिली आहे.
कोणत्याही टिप्पण्या नाहीत:
टिप्पणी पोस्ट करा