उस्मानाबाद (राहूल शिंदे ) दि.15जिल्हा परिषदच्या कै.यशवंतराव चव्हाण सभागृह येथे रक्तदान शिबिर संपन्न झाले,प्रथम माजी राष्ट्रपती डॉ.ए.पी.जे.अब्दुल कलाम यांच्या प्रतिमेला जिल्हा परिषद अध्यक्षा अस्मिता कांबळे ,उप मुख्य कार्यकारी अधिकारी संजय तुबाकले,प्रहार शिक्षक संघटना जिल्हाध्यक्ष वैजिनाथ सावंत यांनी पुष्पमाला अर्पण करून रक्तदानाला सुरूवात केली.
कोविड-19 च्या काळात सध्या रक्ताचा तुटवडा मोठया प्रमाणावर भासत आहे.प्रसुत महिला,इतर आजारी व्यक्तींना रक्ताअभावी आपला जीव गमविण्याचा धोका निर्माण झाला आहे, तरी आपले अमुल्य रक्तदान करून मृत्यूशी झुंज देत असलेल्या रूग्णांना जीवदान देण्यासाठी व त्यांचे जीवनात हास्य फुलविण्याच्या हेतूने जिल्हाभरातील सर्व शिक्षक बंधू भगिनी तसेच इच्छुक विद्यार्थ्यी व नागरिकांना रक्तदान करण्याचे आवाहन करण्यात आले होते.प्रहार शिक्षक संघटनेचा रक्तदानात सक्रिय सहभाग होता.
त्यानुसार कोविड 19 च्या नियमाचे पालन करत प्रहारच्या निष्ठावंत शिक्षक यांनी हिरीरीने सहभाग नोंदवत कोरोनाचे सावट असतानाही जिल्हा परिषद अध्यक्षा अस्मिता कांबळे यांच्या विनंतीला मान देत 10 शिक्षकांनी स्वच्छेने रक्तदान केले.
यावेळी जिल्हाध्यक्ष वैजिनाथ सावंत, जिल्हा समन्वयक दत्तात्रय पुरी,कार्याध्यक्ष विशाल अंधारे , उस्मानाबाद जिल्हा संपर्क प्रमुख धम्मदिप सवाई, सुशिलकुमार पौळ,हरी परदेशी,रामभाऊ गांगर्डे, सुशील लगदिवे आदींनी रक्तदान केले.यावेळी प्रहार जिल्हा उपाध्यक्ष हनुमंत माने,महिला आघाडी प्रमुख सुषमा सांगळे वनवे मॅडम आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा