शिरपूर प्रतिनिधी:मुंबई आग्रा राष्ट्रीय महामार्गावर भिषण अपघात घडला असून यात एकाच कुटुंबातील दोन जणांचा दुर्दैवी मृत्यू झाला असून यात 1 वर्षीय मुलीसह 60 वर्षीय महिलेचा समावेश आहे.तर तिन जण जखमी झाले आहेत.
मुंबई-आग्रा राष्ट्रीय महामार्ग क्र 3 वर आज दि 17 रोजी दुपारी 4 वाजेच्या सुमारास भुसावळ येथून मुलीला भेटण्यासाठी कुटुंब रीक्षात ठिकरी ता.सेंधवा येथे मुलीच्या भेटीला जात असतांना शिरपूर जवळील हाडाखेड गावाजवळ भिषण अपघात घडला.रीक्षात जात असतांनाच मध्यप्रदेश कडे भरधाव वेगाने जाणारी आयशरने रीक्षाला मागून जोरदार धडक दिली.यात एकाच कुटुंबातील दोन जणांचा जागीच मृत्यू झाला आहे.
भुसावळ येथील नारायण पवार हे कुटूंबासहीत मुलीला भेटण्यासाठी भुसावळ येथून अँपे रीक्षाने मध्यप्रदेश राज्यातील ठिकरी ता.शेंधवा येथे जात असतांना मुंबई-आग्रा राष्ट्रीय महामार्गावरील हाडाखेड ता.शिरपूर गावाजवळ मध्यप्रदेश कडेच जाणाऱ्या एम.एच.18 एम.5510 या आयशर गाडीने अँपेला मागच्या बाजूने जोराची धडक दिली.
हा अपघात इतका भिषण होता की यात नारायण पवार यांची 1 वर्षाची नात तनिष्का नरेश पवार व प्रमिला नारायण पवार वय 60 यांचा जागिच मृत्यू झाला.तर सुन शितल नरेश पवार वय 24,नात वेदिका नरेश पवार वय 4 व चालक जितेंद्र नाना देशमुख हे जखमी झाले.घटनेची माहिती प्राप्त होताच रुग्णालयाने सर्वांना उपजिल्हा रुग्णालय येथे दाखल करण्यात आले.
कोणत्याही टिप्पण्या नाहीत:
टिप्पणी पोस्ट करा