शिरपूरकरांसाठी प्राऊड मोमेंट
शिरपूर : भारताचे पंतप्रधान माननीय श्री नरेंद्र मोदीजी यांनी शनिवारी दि. २८ नोव्हेंबर रोजी अहमदाबाद येथे झायडस (कॅडीला) बायोटेक पार्क कंपनीला भेट दिली. त्यावेळी माजी खासदार स्वर्गीय मुकेशभाई पटेल यांचे व्याही डॉ. पंकजभाई पटेल, जावई डॉ. शरविलभाई पटेल तसेच सौ. मेहा पटेल (स्व. खा. मुकेशभाई पटेल साहेब यांची सुकन्या, स्व. तपनभाई पटेल यांच्या भगिनी), नातू शौर्य पटेल, नात वेदा पटेल यांनी या सुवर्ण क्षणी पंतप्रधान नरेंद्र मोदी यांचे स्वागत केले.
माजी मंत्री अमरिशभाई पटेल व शिरपूर चे उपनगराध्यक्ष भूपेशभाई पटेल यांची पुतणी सौ. मेहा पटेल ही अहमदाबाद येथील डॉ. पंकजभाई पटेल, जावई डॉ. शरविलभाई पटेल यांच्या परिवारात असल्याची बाब भूषणावह आहे.
संपूर्ण जग कोरोनाच्या महामारी मुळे हैराण झालेले असताना कोरोना लस बनविण्यासाठी संपूर्ण भारत देशात अहमदाबाद येथील झायडस (कॅडीला) बायोटेक पार्क कंपनीने पुढाकार घेऊन कोरोना लस बनविण्याच्या प्रक्रियेत महत्त्वाचा टप्पा गाठल्याची बाब कौतुकास्पद आहे. माननीय पंतप्रधान श्री नरेंद्रजी मोदी साहेब यांनी कंपनीला विशेष भेट देऊन सुसंवाद साधला.
शिरपूरकर जनतेसाठी तसेच पटेल परिवारासाठी, धुळे नंदुरबार जिल्ह्यातील नागरिकांसाठी हा प्राऊड मोमेंट असल्याच्या प्रतिक्रिया व्यक्त होत आहेत.
कोणत्याही टिप्पण्या नाहीत:
टिप्पणी पोस्ट करा