जामनेर: प्रतिनिधी जामनेर येथील शास्त्रीनगर मध्ये शुक्रवारी मध्यरात्री सुमारे ३ वाजेच्या सुमारास गुरांना बेशुध्द करण्याच्या हेतुने त्यांना भुलचे ईंजेक्शन देऊन रातो-रात पाच-सहा गाईंना अशोक लेलँड कंपनीच्या गाडीत जितेंद्र काळे यांच्या घराजवळ चोरट्यांनी गायींना गाडीत टाकले, असता चोरट्यांच्या व गाडीच्या आवाजाने शेजारील रितेश भोई यांना जाग येऊन ते बाहेर आले.तेव्हा त्यांच्या लक्षात आले की चोरटे गुरांना गाडीमध्ये टाकत आहे. त्यावेळी त्यांनी आजु-बाजुच्या लोकांना आरोळ्या मारून उठविले.यावेळी कैलास पालवे,रवींद्र झाल्टे,रितेश भोई व जितेंद्र काळे, विशाल भोई व नागरिक यांनी काहींना चोप दिला,
परंतु सहा-सात चोरटे हाताला झटका दिला आणि अंधाराचा फायदा घेऊन घटनास्थळावरून पसार झाले.लागलीच पोलीसांशी संपर्क साधला असता पोलीस उपनिरीक्षक आंबादास पाथरवट घटनास्थळी पोहचले,त्यांनी गाडीला ताब्यात घेतल्यानंतर पशु वैद्यकीय अधिकारी श्रीकांत व्यवहारे यांनी गुरांना तपासुन प्रथोमोपचार केले.याप्रकरणी अज्ञात चोरट्यांविरोधात गुन्हा दाखल करण्यात येऊन घटनेचा तपास पो काँ दिलीप वाघमोडे करीत आहे.
कोणत्याही टिप्पण्या नाहीत:
टिप्पणी पोस्ट करा