बारामती (राहूल शिंदे)दि.14: कोरोना महामारीत रक्ताची कमतरता राज्यामध्ये भासत आहे तसेच विविध संस्था, प्रतिष्ठानांनी रक्तदान शिबिर आयोजित करा असे राज्याचे मुख्यमंत्री उध्दव ठाकरे व आरोग्य मंत्री राजेश टोपे यांनी आवाहन केले आहे.
विश्वजन आरोग्य सेवा समितीच्या वर्धापनदिना निमित्त महारक्तदान शिबिराचे आयोजन छाया ताई भगत विश्वजन आरोग्य समितीच्या संस्थापक अध्यक्षा यांच्या मार्गदर्शनाखाली अक्षय ब्लड बँक संकलन व मेघराज ब्लड स्टोरेज सेंटर, रक्त संकलनास विश्वजन आरोग्य सेवा समिती बारामती तालुकाध्यक्ष मयुर चव्हाण यांनी महा रक्तदान शिबिर आयोजित केले होते.
विश्वजन आरोग्य सेवा समिती ही सामाजिक संस्था असल्यामुळे या महारक्तदान शिबिराला रक्तदात्यांनी प्रचंड प्रतिसाद दिला तसेच कोणतेही बक्षिस न ठेवता मयुर चव्हाण यांच्या नियोजनाखाली 42 रक्तदांतानी रक्तदान केले विशेष म्हणजे आज बारामती येथे शरद पवार यांच्या वाढदिवसा निमित्त रक्तदान शिबिर असताना सुद्धा युवक वर्गांनी विश्वजन आरोग्य समितीला भरभरून प्रतिसाद दिला त्यामुळे परिसरामध्ये समितीचे कौतुक होत आहे.
विशेष म्हणजे ह्या महारक्तदान शिबिरा मधुन जे रक्त संकलन केले आहे.ते आपल्या राज्यातील गरीब रुग्णांना फक्त प्रोसेसिंग फी घेवून जे कि स्वतःची एक दिवासाची उपजिविका भागवु शकत नाही अशा गोर गरीब लोकांना हे रक्त मोफत देण्याचे आश्वासन मयुर चव्हाण यांनी दिले व इथुन पुढे दर 3 महिन्यानी असेच महारक्तदान शिबिर आयोजन करेन असे सांगितले.
कोणत्याही टिप्पण्या नाहीत:
टिप्पणी पोस्ट करा