दिनांक १८ डिसेंबर रोजी अल्पसंख्याक हक्क दिनाच्या पार्श्वभूमीवर शिवसेना शिव अल्पसंख्यांक सेनेच्या वतीने सांगली जिल्हा येथे जिल्हाधिकारी कार्यालय, मिरज तहसीलदार, मिरज प्रांत अधिकारी यांना निवेदन देण्यात आले.
शिव अल्पसंख्यांक सेनेच्या पश्चिम महाराष्ट्र संपर्क प्रमुख श्री विवेकसिंग राजपूत यांच्या मार्गदर्शनाखाली शिव अल्पसंख्यांक सेनेच्या वतीने निवेदन सादर करण्यात आली. निवेदनात अल्पसंख्याक समाजातील तरुणांना व महिलांना रोजगार निर्माण होण्यासाठी प्रशिक्षण कार्यक्रम राबविण्यासाठी शासनाने तातडीने उपाययोजना कराव्यात अशी मागणी करण्यात आली.
सदर निवेदन देताना शिव अल्पसंख्यांक सेना सांगली जिल्हाप्रमुख श्री भरतकुमार पाटील, उपजिल्हाप्रमुख वैभव माळी, मिरज तालुका प्रमुख रोहन कोळी, सह संपर्क प्रमुख श्री राधाकृष्ण कोळी, सांगली शहर प्रमुख श्री सूरज पवार आदी शिवसैनिक उपस्थित होते.
कोणत्याही टिप्पण्या नाहीत:
टिप्पणी पोस्ट करा