चोपडा तालुक्यातील भार्डू व हातेड गावाच्या परिसरात बिबट्या दिसुन आल्याने परिसरात भितीचे वातावरण निर्माण झाले होते.बिबट्या दिसुन आल्याने नागरिकांनी वनविभागाला कळवले व वनकर्मचारी यांना माहिती मिळताच घटना स्थळी धाव घेतली.
व दुपारी 2 वाजेपासुन शोध घेत बिबट्या अखेर रात्री 11:30 वाजता वनविभागाच्या कर्मचारी यांना बिबट्याला जेर बंद करण्यात यश मिळाले.
बिबट्याने काहीतरी सेवन केले असेल अथवा तो कदाचीत आजारी असू शकतो.त्यामुळे तो एकाच जागी बसून होता.भार्डू आणि लहान हातेड परिसरातील नागरिकांच्या मदतीने वन विभागाच्या पथकाने त्याला जाळ्यात घेतले.
बिबट्या ताब्यात आल्यानंतर परिसरातील नागरिकांनी समाधान व्यक्त केले.
याकामी सहाय्यक वनसंरक्षक अधिकारी व्ही.एच.पवार,चोपडा वनक्षेत्रपाल दत्तात्रय लोंढे,सत्रासेन आणि लासुर येथील वन कर्मचाऱ्यांनी मेहनत घेतली.दिवसेंदिवस जंगल परिसर कमी होत असून वन्य प्राण्यांना अन्न पाणी मिळणे कठीण झाले आहे. त्यामुळे जंगलातील प्राणी नागरी वस्तीकडे वाटचाल करु लागले आहेत.
कोणत्याही टिप्पण्या नाहीत:
टिप्पणी पोस्ट करा