जामनेर प्रतिनिधी:जामनेर शहरासह तालुकाभरात दिवसेंदिवस कोरोनाची वाढती लोकसंख्या पाहता त्यावर नियंत्रण मिळवण्यासाठी शासनातर्फे विविध उपाय योजना राबविन्यात येत आहे.
त्याच अनुषंगाने जामनेर नगरपालिकेच्या वतीने शहरात विना मास्क फिरणाऱ्या व नियमाचे उल्लंघन करणाऱ्या नागरीकांवर कारवाई करण्यासाठी महिला बचत गटातील १० महिला सदस्यांच्या पथकाची जामनेर येथे स्थापना करण्यात आलेली आहे.
या पथकातील महिलांनी एक सारख्या गुलाबी रंगाच्या साड्या परीधान केलेल्या असून हातात पांढ-या रंगाची काठी घेऊन रस्त्यावर उतरून विना मास्क फिरणाऱ्या नागरीकांवर कारवाई करीत असल्याचे पाहून मास्क न लावता फिरणाऱ्याचे चांगलेच धाबे दणाणले आहे.
या पथकामार्फत कारवाई करण्याची चर्चा शहरात जोरदार सुरू आहे. नगरपालिका कार्यालयाच्या खाली असलेल्या मयुर किराणा या दुकानदारासह विना मास्क फिरणाऱ्या ९ नागरीकांकडून एकूण ६ हजार रुपयांचा दंड वसूल करण्यात आला असून विना मास्क फिरणाऱ्या व शासकीय कामात अडथळा आणल्या बद्दल शहरातील दोघ बापलेका विरोधात पोलीस स्टेशनमध्ये गुन्हा नोंदविण्यात आला असल्याची माहिती मुख्याधिकारी राहुल पाटील यांनी दिली असून या गुलाबी पथकाला नागरीकांनी सहकार्य करावे असे ही आवाहन मुख्याधिकारी यांनी केले आहे.
कोणत्याही टिप्पण्या नाहीत:
टिप्पणी पोस्ट करा