परंडा (राहुल शिंदे)दि.11 तालुक्यातील पांढरेवाडी येथील झालेल्या ग्रामपंचायत निवडणुकीत शिवसेनेचे माजी जि.प.सदस्य शिवाजी पवार यांच्या तुळजाभवानी ग्रामविकास पॅनलने प्रतिस्पर्धी युवाजनशक्ती पॅनलचा 9:0 ने पराभव करून मोठा धक्का दिला आहे.
सरपंच पदाचे आरक्षण सर्वसाधारण पुरुष पडले असून,श्री.शरद अभिमान भिलारे यांची सरपंच पदी तर,सौ.ऋतूजा दौलत भरणे यांची उपसरपंच पदी वर्णी लागली आहे.तर नवनिर्वाचित सदस्य श्री.शिवाजी पवार, श्री.आप्पा भिलारे, सौ.नीता पवार, सौ.सविता बाटे, सौ.सुरेखा पाटुळे सौ.संगीता जाधव, सौ.प्रियंका नरके,यांचा मोठ्या मताधिक्याने विजय झाला आहे.सर्व विजयी उमेदवारांचा ग्रामस्थांच्या वतीने नागरी सत्कार करण्यात आला.
आज ग्रामपंचायत सभागृहात सरपंच व उपसरपंच निवड प्रक्रिया पार पडली असून,निवड प्रक्रियाचे कामकाज अध्यासी अधिकारी श्री.टोम्पे साहेब यांनी पाहिले तर सहकार्य तलाठी अर्जुन नागलोट व ग्रामसेवक, पोलीस पाटील तसेच गणेश भिलारे, सोमनाथ पाटुळे,शहाराम पाटुळे, दौलत भरणे, महादेव शिंदे,गुरुदास शिंदे, यशवंत पवार, क्रुष्णा भिलारे यांच्यासह नागरीक मोठ्या संख्येने उपस्थितीत होते.
पॅनल प्रमुख शिवाजी पवार हे उच्च विद्याभुषित एम.ए.बी एड असून या अगोदर 2010 च्या निवडणूक देखील 9:0 ने विजय संपादन केला होता.व 2012 मध्ये त्यांची जि.प सदस्यपदी वर्णी लागली होती.
या वेळी बोलताना पवार यांनी आपल्या गावासाठी जास्तीत जास्त विकास कामे करणार असल्याचे सांगितले.व नागरिकांनी मतदानातून जो कौल दिला आहे त्याबद्दल सर्व मतदारांचे आभार मानले.
या विजयाचा उत्सव मोठ्या उत्साहात साजरा करण्यात आला .उस्मानाबाद जि.प चे उपाध्यक्ष धनंजय सावंत यांनी अभिनंदन करून शुभेच्छा दिल्या...
कोणत्याही टिप्पण्या नाहीत:
टिप्पणी पोस्ट करा