जामनेर प्रतिनिधी: आज जामनेर तालुक्यातील सर्व महाराष्ट्र ज्ञान महामंडळ मर्यादित संस्थेची अधिकृत एमएस-सीआयटी केंद्र सुरू करण्यास परवानगी मिळण्यासाठी माननीय तहसीलदार अरुण शेवाळे साहेब यांना निवेदन देण्यात आले. कोरोना परिस्थितीच्या पार्श्वभूमीवर सर्व अधिकृत अध्ययन केंद्र बंद ठेवावी लागत आहे.
पण त्याच वेळी शासकीय स्तरावर विविध पदांच्या भरती प्रक्रिया मात्र चालू आहेत तसेच नजिकच्या काळामध्ये शासनामार्फत विविध पदांच्या नव्या भरती प्रक्रियाही सुरू केल्या जाण्याची शक्यता आहे. त्यासाठी इच्छुक उमेदवारांना एम एस सी आय टी अभ्यासक्रम वेळेत पूर्ण करून प्रमाणपत्र मिळवणे अनिवार्य आहे.
तसेच वर उल्लेख केलेल्या शासन निर्णयानुसार एमएससीआयटी प्रमाणपत्र वेळेत प्राप्त न झाल्यास अनेक शासकीय कर्मचाऱ्यांची वेतनवाढ रोखली जाण्याची शक्यता निर्माण झाली आहे या पार्श्वभूमीवर एमकेसीएल जी सर्व अधिकृत अध्ययन केंद्र सुरक्षेचे सर्व निकष पाळून त्वरित सुरू होणे क्रमप्राप्त आहे असे निवेदनात म्हटले आहे मागील वर्षी झालेली पहिली टाळेबंदी आणि आता पुन्हा झालेल्या टाळेबंदी मुळे आर्थिक उत्पन्नाचे स्त्रोत सर्व केंद्र चालकांचे ठप्प झाल्याने केंद्र संचालक व केंद्र कर्मचारी हवालदिल झाले आहे केंद्राचे भाडे, वीजबिल, इंटरनेट बिल, बँकाचे हप्ते ते कर्मचाऱ्यांचे पगार स्वतःच्या मुलांच्या शाळांची फी व इतर खर्च त्यांच्यापुढे मोठे आव्हान उभे झाले आहे त्यांच्या रोजगारांच्या उदरनिर्वाहाचा गंभीर प्रश्न उपस्थित झाला आहे.
आणि म्हणून सुरक्षेच्या निकस पाळण्याच्या अटीवर त्यांचे केंद्र सुरू करण्यास परवानगी द्यावी आम्ही आमच्या सेंटर मध्ये शासनाने केलेल्या सर्व नियमांचे पालन करू असे निवेदनात म्हटले आहे.यावेळी तालुक्यातील सर्व MKCL चे केंद्र चालक सौ.उषा पाटील,अनिल माळी, किशोर पाटील, संजय सूर्यवंशी, चेतन पाटील, विलास बाविस्कर, प्रशांत पाटील, विलास चौधरी, नरेंद्र बाविस्कर,भोई सर आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा