शिरपूर(प्रतिनिधी)येथील प्राचीन काळापासून असलेले चैत्र शुक्ल पक्षे ९ वार बुधवार दि.२१ एप्रिल २०२१ श्रीराम मंदिर देवस्थान ( श्री भोंगे ) शिरपूर येथे समस्त भाविकांचे उपस्थितीत श्रीराम नवमी निमित्त दुपारी ठिक १२ वा. श्रीराम जन्मोत्सव साजरा करण्यात आला.
सदर प्रसंगी आमचे स्नेही महाराष्ट्र प्रांतिक तेली समाजाचे प्रदेश कार्याध्यक्ष दादासाहेब शामकांत जगन्नाथ ईशी व शिरपुर - वरवाडे नगर परिषद - बांधकाम सभापती ताईसो. छाया शामकांत ईशी यांचेहस्ते महाआरती करण्यात आली.
कोरोना ह्या महामारी रोगापासुन संपुर्ण जगाचे रक्षण करावे व संपुर्ण जगात आमचे भारत मातेचा जयजयकार होऊ द्यावा असा संकल्प श्रीरामरायाचरणी करण्यात आला.
श्रीराम मंदिर देवस्थानचे मठाधिपती महंत सतीशदास महाराज भोंगे व भागवताचार्य,गौ - सेवक,वेदपारंगत प्रमोद रघुनाथ भोंगे यांचे हस्ते आशिर्वाद देण्यात आला. ह्यावेळी श्री चेतन नारायण चौधरी,श्री गोविंद दौलत मोरे,श्री भानुदास दौलत मोरे,श्री अशोक मोतीराम सोनार, सुनील अग्रवाल, सौ प्रतिभा चौधरी,भजनी मंडळ चे कार्यकर्ते, रामभक्त असे अनेक भक्तगण हजर होते. यावेळी प्रसादाचेही वाटप करण्यात आले.
यावेळी सोशल डिस्टनसिंगचे नियम पाळून श्रीराम नवमी साजरी करण्यात आली. सर्व भक्तांनी मास लावला होता.मठाधिपती ह भ प श्री सतिषदास महाराज यांच्या हस्ते श्री शामकांत ईशी व सौ छायाताई शामकांत ईशी यांचा सत्कार करण्यात आला.
कोणत्याही टिप्पण्या नाहीत:
टिप्पणी पोस्ट करा