धुळे प्रतिनिधी: दि.8 कोरोना विषाणूबाधित रुग्णांवरील औषधोपचारासाठी आवश्यक रेमडेसिव्हर इंजेक्शनसाठी संबंधित डॉक्टरांचे प्रमाणपत्र आवश्यक आहे. या प्रमाणपत्राशिवाय औषधे विक्रेत्यांनी इंजेक्शनची विक्री करू नये, असे आदेश अन्न व औषध प्रशासन विभागाचे सहाय्यक आयुक्त महेश देशपांडे यांनी दिले आहेत. दरम्यान, आज धुळे जिल्ह्यास 178 रेमडेसिव्हर इंजेक्शन प्राप्त झाले. ते वितरणासाठी गठित समितीच्या निर्णयान्वये कोविड 19 रुग्णालयाशी संलग्न औषध विक्रेत्यांना देण्यात आले आहेत.
औषधे विक्रेत्यांनी डॉक्टरांच्या प्रमाणपत्राशिवाय या इंजेक्शनची विक्री करू नये. प्रमाणपत्राव्यतिरिक्त ज्या कोरोना विषाणूबाधित रुग्णाकरीता हे इंजेक्शन वापरण्यात येणार आहे, त्या रुग्णाचे आधारकार्ड अथवा छायाचित्र असलेला पुरावा, शासनाने वेळोवेळी निश्चित केलेले अन्य कागदपत्र उपलब्ध करून देणे आवश्यक आहे. संबंधित औषध विक्रेत्यांनी प्रमाणपत्र व अन्य कागदपत्रे जतन करून ठेवावीत, असेही श्री. देशपांडे यांनी म्हटले आहे.
सोबत : 162 इंजेक्शन वितरीत केलेल्या विक्रेत्यांची नावे :
कोणत्याही टिप्पण्या नाहीत:
टिप्पणी पोस्ट करा