परंडा(राहूल शिंदे) दि.6 तालुक्यातील सोनारी येथे भूम-परंडा-वाशी मतदारसंघाचे आमदार प्रा.डॉ. तानाजीराव सावंत यांच्या हस्ते 51बेडचे भैरवनाथ कोविड केअर सेंटरचे उदघाटन संपन्न झाले.
तालुक्यातील ग्रामीण भागात कोरोना रुग्णांची संख्या दिवसेंदिवस वाढत आहे.आरोग्य यंत्रणेवर मोठ्याप्रमाणात ताण वाढला होता.रुग्णांवर वेळेवर व चांगल्या प्रकारे उपचार करण्यासाठी नागरिकांच्या आरोग्याच्या दृष्टीने हे कोविड सेंटर महत्त्वाचे ठरणार आहे.
तालुक्यातील वाढत्या रुग्ण संख्येमुळे सोनारी येथील श्री.काळ भैरवनाथ मंदिराची भक्त निवास इमारत रुग्णांसाठी उपलब्ध करून देण्यात आली असून त्या ठिकाणी नवीन कोविड केअर सेंटर सुरू केले आहे.या ठिकाणच्या रुग्णांना सर्व सोई-सुविधा मोफत उपलब्ध करून दिल्या जाणार आहेत.तसेच अनुभवी डॉक्टर,नर्स,वार्ड बॉय असणार आहेत.
यावेळी माजी आ.ज्ञानेश्वर पाटील, जि.प उपाध्यक्ष धनंजय सावंत, जि.प.कृषी,पशुसंवर्धन सभापती दत्ता साळुंके,शिवसेना जिल्हा प्रमुख प्रा.गौतम लटके , माजी नगराध्यक्ष सुभाषसिंह सदीवाल, पंचायत समिती सभापती प्रतिनिधी सतीश दैन, सावंत प्रतिष्ठानचे अध्यक्ष रामचंद्र घोगरे सर, सोनारीचे माजी सरपंच नवनाथ जगताप, तहसीलदार अनिलकुमार हेळकर , तालुका आरोग्य अधिकारी डॉ.सय्यद, श्री.काळ भैरवनाथ मंदिर देवस्थान ट्रस्टचे विश्वस्त संजय महाराज पुजारी आदी उपस्थितीत होते.
कोणत्याही टिप्पण्या नाहीत:
टिप्पणी पोस्ट करा