शिरपूर प्रतिनिधी: शिरपूर तालुक्यातील भोरखेडा येथील गौ रक्षक धुळे जिल्हा अध्यक्ष चेतन राजपूत हे काही कामानिमित्त शिरपूर पोलीस स्टेशनच्या आवारात असलेल्या झेरॉक्सच्या दुकानात झेरॉक्स करण्यासाठी गेले असता तेथे त्यांचे पैश्यांचे पाकीट पडले. पाकीट पडल्याचे त्यांच्या लक्षात त्यावेळी आले नाही.
तेथील झेरॉक्सचे काम आटोपून ते पुढील कामासाठी रवाना झाले. काही वेळात ते पाकीट शेजारील दुकानदार कृष्णा पान कॉर्नरचे मालक बळीराम श्रावण शेटे व त्यांचा मुलगा हेमराज बळीराम शेटे आणि त्यांचे जावाई प्रकाश मंगा भदाणे यांना सापडले. त्यांनी पाकीट मालकाचा शोध घेतला असता ते मिळून आले नाही.
त्यानंतर त्यांनी ते पाकीट उघडून पाहीले असता त्यात काही कागद,गौ रक्षक समितीचे व्हिजीटींग कार्ड व रुपये तीन हजार अशी रक्कम असल्याचे त्यांच्या लक्षात आले. त्यांनी त्या व्हिजीटींग कार्डवर असलेल्या नंबरवर कॉल केला असता लागला नाही. काही वेळानंतर चेतन राजपूत यांना आपले पाकीट हरवल्याचे लक्षात आले. त्यांनी तरुण गर्जनाचे संपादक संतोष भोई व दै.तरुण भारतचे प्रतिनिधी मनोज भावसार यांना फोनवरुन सांगितले असता त्यांनी लागलीच जावून सांगितलेल्या दुकानाजवळ शोधाशोध सुरु केली.
कृष्णा पान कॉर्नरचे मालक बळीराम शेटे यांनी मला ते पाकीट सापडल्याचे सांगितले. तितक्यात तेथे चेतन राजपूत आले असता ते पाकीट बळीराम श्रावण शेटे व त्यांचा मुलगा हेमराज बळीराम शेटे यांनी त्यांना प्रामाणिकपणे परत केले. आपले पाकीट परत मिळाल्याचे समाधान चेतन राजपूत यांना झाल्याने त्यांनी कृष्णा पान कॉर्नरचे मालक बळीराम श्रावण शेटे व त्यांचा मुलगा हेमराज बळीराम शेटे यांना धन्यवाद केले. आजच्या युगात प्रामाणिक लोक आहेत याची पुन: प्रचिती आली.
कोणत्याही टिप्पण्या नाहीत:
टिप्पणी पोस्ट करा