तरुण गर्जना:शिंदखेडा प्रतिनिधी:शिंदखेडा महसूल प्रशासनाच्या उदासीनतेमुळे अक्कडसे गावाच्या तापी नदी पात्रातून बेकायदा वाळू उपसा होत आहे.बेकायदा रेती उपसा करणाऱ्या रेती माफियांवर कायदेशीर कारवाई करण्याकामी शासनाने सूचना व आदेश दिलेले असताना शिंदखेडा महसूल प्रशासनाने मात्र महाभारतातील धूर्तराष्ट्र राजा प्रमाणे डोळ्यावर पट्टी बांधून बघ्याची भूमिका घेतली आहे.याबाबत स्थानिक माजी सरपंच मिलिंद सोनवणे यांनी जिल्हाधिकारी व खनिकर्म अधिकारी धुळे यांच्याकडे तक्रारारी केलेल्या आहेत.
अक्कडसे गावालगत असलेल्या तापी नदी पात्रातून वेळोवेळी रेती घाट लिलाव झालेले असल्याचे देखील नागरिकांनी सांगितले आहे.रेती घाट लिलाव झालानंतर शासनाने ठेकेदारांना रेती उचल करण्यासंदर्भात मार्गदर्शक सुचना दिलेल्या असतांना त्या सुचना व आदेशांचे ठेकेदार यांनी पालन केलेले नसल्याने नदी पात्रात दहा ते पंधरा फुट खोल असे डोह तयार झाले आहेत. तसेच शासनाचा २६,११,१७ च्या फार्मुल्याचे काय ? रेती घाटावरील रेती उचल झाल्यानंतर करण्यात येणाऱ्या उपाय योजना देखील ठेकेदार यांनी केलेल्या नसल्याने आजही तिथून बेकायदेशीर रेती उपसा सुरूच आहे.
रेती उपसा करत असतांना स्थानिक महसूल कर्मचारी यांच्यावर जबाबदारी सोपिविण्यात आलेली असतांना बेकायदा वाळू उपसा होतोच कसा ? याबाबत सवाल उपस्थित राहतो.महसूल प्रशासनाच्या अप्रत्यक्ष पाठबळाशिवाय बेकायदा रेती उपसा होणे शक्य नसल्याने महसूल प्रशासनाच्या कामकाजाबाबत प्रश्न उपस्थित होत आहे ? या साखळीत महसूल प्रशासनाचा शेवटचा कर्मचारी कोतवाल ते जिल्ह्याचे प्रथम जिल्हाधिकारी धुळे यांनी त्यांची कर्तव्ये नियमानुसार पार पाडलेली नसल्यानेच रेती माफियांचा खेळ गावांत व जिल्ह्यात सरास सुरु आहे.
बेकायदा व नियमबाह्य होणाऱ्या रेती उपसा मुळे स्थानिक भोई व कोळी समाजाच्या लोकांच्या उपजीविकेवर परिणाम होत आहे.शेतीला लागणारे पाण्याची पातळीदेखील दिवसेंदिवस खोल जात आहे. या अन्याया विरोधात स्थानिक लोक जनता लढा देणार असून न्याय मिळण्यासाठी सनदशीर मार्गाने संघर्ष करणार असल्याचे आमच्या प्रतिनिधीला सांगितले.
कोणत्याही टिप्पण्या नाहीत:
टिप्पणी पोस्ट करा