शिरपूर प्रतिनिधी:१९३६ ते १९५० या काळात भोई समाज हा अनुसूचित जातींमध्ये समाविष्ट होता.इंग्रजांच्या काळात क्रिमिनल ट्राईब्ज ॲक्ट या गुन्हेगारी कायद्याखाली भोई समाजाने हालअपेष्टा सहन केल्या.परंतु १९५० नंतर जातींची पुनर्रचना करतांना भोई समाजाला कुठलेही आरक्षण न देता चुकून ओपन मध्ये टाकले गेले. त्यानंतर भोई समाजाला १९७४ मध्ये एनटी ब चे २.५% तोकडे आरक्षण देण्यात आले आणि त्यांच्या या आरक्षणावरही नेहमीच गदा येत असते. शासन ऊठसूट याच प्रवर्गात नवीन जातींना समाविष्ट करत असते.
आज दिनांक 24 जून रोजी महाराष्ट्र प्रदेश काँग्रेस कमिटीचे प्रदेश अध्यक्ष मा.नाना पटोले यांची शिरपूर दौऱ्यात भेट घेऊन भोई समाज सेना तर्फे भोई समाज आरक्षण साठी निवेदन देण्यात आले.यावेळी भोई समाज सेना प्रदेश उपाध्यक्ष पूनमचंदभाऊ मोरे, धुळे जिल्हा अध्यक्ष अशितोष वाडीले, शिरपूर तालुका अध्यक्ष चंद्रकांत वाडीले तसेच आण्णा भोई, पिटु भोई,अनिल भोई आदी पदाधिकारी उपस्थित होते.मा. नाना पटोले यांनी पूर्ण म्हणणे ऐकून घेतले व योग्य ती कार्यवाही करण्यात येईल अशी ग्वाही दिली.
कोणत्याही टिप्पण्या नाहीत:
टिप्पणी पोस्ट करा