वणी प्रतिनिधी :याबाबत सविस्तर वृत्त असे कि,दि.२७ ऑक्टो. रोजी रात्री अकरा वाजेच्या सुमारास पीडीत महिला बस स्थानक परिसरात एका व्यक्तीशी बोलत होती, त्या दरम्यान या ठिकाणी दुचाकीवर काही तरुण आले व त्या ठिकाणाहून महिलेला जबरदस्ती करून घेऊन गेले त्यात दोघांनी तिच्यावर बलात्कार केला.त्यानंतर त्यांच्यासोबत अजुन दोघे जण होते या सर्वानी तीला उचलुन नदीकडील परिसरात घेऊन गेले व पुन्हा दोघांनी तिच्यावर बलात्कार केला. ही घटना पिडीत महिलेसोबत बोलणाऱ्या व्यक्तीने वणी पोलीस ठाण्यात येऊन सांगीतली,त्यानुसार वणी पोलीसांनी तातडीने दखल घेत घटनास्थळी जाऊन तपास सुरु केला.
वणी पोलीस ठाण्याचे स.पो.नि.स्वप्निल राजपुत यांनी आपल्या कर्मचा-यांना सुचना देत तपासचक्र वेगवान केले. घटनास्थळी एक दुचाकी आढळून आली त्यासाठी पोलीस परिसरात दबा धरून बसले होते. काही वेळात दुचाकी घेण्यास आलेल्यां संशियत तरुणांना पोलीसांनी ताब्यात घेतले. पोलीसी खाक्या दाखवताच त्यांनी सर्वांची नावे सांगितले,पोलीसांनी विलंब न करता सर्व आरोपींना चार तासातच अटक केली.
यात सोमनाथ कैलास गायकवाड वय २३, संदिप अशोक पीठे, वय २४, राजेंद्र दिपक गांगोडे, वय २६, आकाश शंकर सिंग वय २४ सर्व राहणार इंदिरानगर वणी येथील असुन पोलीसांनी सदर आरोपींना अटक केली आहे. घटना पाहता फॉरेन्सिक पथकाने घटनास्थळावर तपासणी केली. परिस्थितीजन्य पुरावे यावेळी पोलीसांनी हस्तगत केले. आरोपी विरोधात वणी पोलीस ठाण्यात गुन्हा नोंदविण्यात आला आहे.
कोणत्याही टिप्पण्या नाहीत:
टिप्पणी पोस्ट करा