धुळे प्रतिनिधी : तक्रारदार शेतकरी यांची मौजे दहिवेल तालुका साक्री धुळे येथील जमीन गट नंबर १८१/२/इ अशी शेतजमीन क्षेत्रापैकी सहाशे चौरस मीटर क्षेत्र भारतीय राष्ट्रीय महामार्ग प्राधिकरण नवी दिल्ली यांनी नागपूर सुरत महामार्गासाठी संपादित केली होती. त्या संपादित जमिनीचा गट नंबर १८१/२/इ/बं क्षेत्र सहासे मी.असा स्वतंत्र सातबारा उतारा प्राधिकरणाचे नावे झालेला आहे.त्या संपादनाची बिल वडील हयात असताना मिळाले होते.
परंतु सदर चे बिल मान्य नसल्याने कोर्टात अपील दाखल करण्यासाठी वकिलांनी वडिलांच्या मृत्यूपश्चात वारस चौकशी अहवाल व शेत जमिनीचा सातबारा उतारा आणावा असे सांगितले तक्रारदार शेतकऱ्यांनी कोट कामासाठी लागत असलेले दहिवेल तलाठी तानाजी वाजे यांना वारस चौकशी अहवाल, सातबारा उतारा मागणी केली.
असता, त्यांच्याकडे तलाठी दहिवेल यांनी सात हजार रुपये मागणी केली, आपली अडवणूक होत असल्याचे लक्षात येताच जमीनधारक शेतकरी यांनी लाचलुचपत प्रतिबंधक विभाग धुळे यांना संपर्क साधत तक्रार दिली, त्यानुसार कारवाई करत दिनांक २८/१०/२०२१ रोजी लाचलुचपत प्रतिबंधक विभाग धुळे,तलाठी तानाजी वाजे याला सात हजार रुपये मागणी पैकी तीन हजार रुपये पंचा समोर स्वीकारताच पकडले,आपल्या पदाचा दुरुपयोग करत स्वतःच्या फायद्यासाठी अडवणूक करणारे तलाठी तानाजी धोंडीबा वाजे दहिवेल,
तालुका साक्री,धुळे,याच्यावर भ्रष्टाचार प्रतिबंधक कायद्याने गुन्हा नोंदवला असून,सदरची कारवाई पोलीस अधीक्षक सुनील कडासने, अप्पर पोलीस अधीक्षक सतीश भामरे, यांच्या मार्गदर्शनाखाली पोलिस उपअधीक्षक सुनील कुराडे,पोलीस निरीक्षक मनजिसिंग चव्हाण,पोलीस निरीक्षक प्रकाश झोडगे, यांच्यासह पथकाने केली.
कोणत्याही टिप्पण्या नाहीत:
टिप्पणी पोस्ट करा