नंदुरबार जिल्ह्यातील अक्कलकुवा येथे महात्मा गांधी राष्ट्रीय ग्रामीण रोजगार हमी योजनेअंतर्गत स्थानिक आदिवासींना कामे उपलब्ध करून त्यांचे स्थलांतर थांबविण्यात यावे असे निर्देश मृद व जलसंधारण राज्यमंत्री नामदार श्री दत्तात्रय (मामा)भरणे यांनी दिले.
नंदुरबार जिल्ह्यातील अक्कलकुवा तालुक्यातील जलसंधारण कामांबाबत मंत्रालयात आढावा बैठकीचे आयोजन करण्यात आले होते. यावेळी राज्यमंत्री नामदार श्री भरणे मामा बोलत होते. या बैठकीस माजी आमदार नरेंद्र पाडवी, मृद व जलसंधारणचे सहसचिव डी.एस.प्रक्षाळे, जलसंधारणचे अवर सचिव अ.र.जगताप, उपविभागीय अधिकारी सुनिल पवार उपस्थित होते.
राज्यमंत्री नामदार श्री. भरणे मामा म्हणाले, अक्कलकुवा तालुक्यात महात्मा गांधी रोजगार हमी योजनेअंतर्गत तेथील स्थानिक आदिवासींना धरणातील गाळ काढणे अशी जलसंधारणाची कामे देण्यात यावी. कृषी विभाग, जलसंधारण विभाग, वन विभाग यांनी संयुक्तिकरित्या स्थानिक आदिवासी, शेतकरी यांना रोजगार उपलब्ध करून त्यांचे स्थलांतर थांबविण्यास सहकार्य करावे, असेही राज्यमंत्री नामदार श्री.भरणे मामा यांनी सांगितले
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा