परंडा(राहूल शिंदे)दि.25 येथील पंचायत समितीचे कर्तव्यदक्ष गटशिक्षणाधिकारी अशोक खुळे यांना लातूर येथील मानव विकास बहुउद्देशिय सेवाभावी संस्थेतर्फे दिला जाणारा 'मानव विकास राज्यस्तरीय पुरस्काराने मान्यवरांच्या हस्ते लातूर येथील दयानंद सभागृहात सन्मान चिन्ह व प्रशस्तीपत्र देऊन सन्मानित करण्यात आले.
दरवर्षी राज्यातील - शैक्षणिक, सामाजिक क्षेत्रात उल्लेखनीय कार्य करणाऱ्या व्यक्तींना मानव विकास सन्मान हा राज्यस्तरीय पुरस्कार दिला जातो. संस्थेने अशोक खुळे यांनी केलेल्या शैक्षणिक आणि सामाजिक कार्याची दखल घेत पुरस्कार प्रदान केला आहे.
या कार्यक्रमासाठी पद्मश्री पोपटराव पवार , नेत्ररोगतज्ञ पद्मश्री तात्याराव लहाने,राज्याचे पाणीपुरवठा व स्वच्छता राज्यमंत्री संजय बनसोडे, सुप्रसिद्ध कवी व साहित्यिक इंद्रजीत भालेराव, मराठवाड्याचे शिक्षक आमदार विक्रम काळे, विठ्ठल लहाने,मानव विकास संस्थेचे अध्यक्ष वसंतराव घोगरे,नागनाथ देशमुख तसेच राजकीय, सामाजिक,शैक्षणिक क्षेत्रातील अनेक मान्यवर उपस्थित होते.
कोणत्याही टिप्पण्या नाहीत:
टिप्पणी पोस्ट करा