मच्छीबाजार परिसरातील नविन ताडी दुकानास रहिवाशयांचा प्रखर विरोध! तहसिलदार शिरपूर व राज्य उत्पादन शुल्क विभागाकडे तक्रार अर्ज दाखल

            तरुण गर्जना वृत्तसेवा

शिरपूर प्रतिनिधी शिरपूर (३१ डिसेंबर) शहरातील मच्छीबाजार परिसरात राज्य उत्पादन शुल्क विभागाने नविन ताडी विक्री दुकानास परवानगी दिलेली आहे.व त्या ठिकाणी सदर परवाना धारक यांनी दुकान सुरु करण्याचे सर्वोतोपरी हालचल सुरु असल्याचे परिसरातील महिलांना निदर्शनात आल्याने अंत्यत जागरूकपणे त्यांनी सदर दुकानास विरोध दर्शविलेला आहे. 

व त्याबाबत आज त्यांनी तहसिलदार शिरपूर व राज्य उत्पादन शुल्क यांच्याकडे जवळपास ६० ते ७० रहिवाश्यांच्या नाव व सह्यानिशी लेखी तक्रार अर्ज सादर केलेला आहे.त्यांच्या अर्जानुसार आमच्या परिसरात ताडी विक्री करण्यास परवाना देतांना आमच्याकडून कोणतीही नाहरकत घेतलेली नाही.अथवा तशी कोणतीही विचारणा आम्हांस केलेली नाही.

मच्छीबाजार परिसरातील रहिवाश्यांमध्ये अतिशय गोर-गरीब जनतेचा समावेश आहे. सदर तक्रारी अर्जानुसार शासनाच्या या नवीन ताडी विक्री दुकानाच्या परवानगीमुळे भविष्यात मच्छीबाजार परिसरातील कर्ते पुरुषांना ही वाईट सवय लागू शकते व किती तरी आई-बहिणींचा कुटुंब उध्दवस्त होऊ शकते.तसेच या ठिकाणी ताडी पिण्यासाठी येणाऱ्यांकडून ताडी प्राशन केल्याच्या नशेत परिसरात अनुचित प्रकार घडू शकतो.अशी कळकळीची व भविष्यातील वेध घेणाऱ्या महिलांनी व नागरिकांनी तक्रार अर्जात नमूद केलेले आहे.तरी देखील सदर परवाना रद्द न केल्यास व परिसरात कोणताही तसा अनुचित प्रकार घडल्यास त्यास परवाना देणारे शासन प्रतिनिधीस जबाबदार धरू असे देखील अर्जात म्हटलेले आहे.

या परीसरातील जवळपास ७० ते ८० टक्के रहिवासी महिलांनी मच्छीबाजार परिसरातील नवीन ताड़ी विक्री दुकानास विरोध केलेला आहे.तरी शासनाच्या दारू बंदी कायद्यांतील तरतुदीनुसार परिसरातील रहिवासी महिलांनी व रहिवासी नागरीकांनी केलेल्या विरोधानुसार सदरील मच्छीबाजार परिसरातील नवीन ताडी विक्री दुकान परवाना आपण तात्काळ रद्द करावा. ही समस्त मच्छीयाजार परीसरातील रहिवासी नागरीक व रहिवासी महिला यांच्या वतीने कळकळीची विनंती अर्जासह तक्रार अर्ज तहसिलदार शिरपूर व राज्य उत्पादान शुल्क यांच्याकडे दाखल केलेला आहे.

याबाबत आमच्या प्रतिनिधीशी संबंधीत रहिवासी महिलांनी अर्जाची प्रत दिलेली असून यात सौ.ताराबाई ठाकूर, छाया पाटील, रजिया तेली सुलताना मेहतर, फेमिदा मेहतर,रशिदा मेहतर,नजमा लोहार, शबाना मेहतर, फातिमा तेली,वहिदा तेली,जाकिर तेली,अरबाज मन्सुरी,अकरम लोहार,नसीम मन्सुरी,वसिम तेली आदींनी आमच्या प्रतिनिधीशी संवाद साधला असता शिरपूर येथील राज्य उत्पादन शुल्क विभागाचे उपस्थित अधिकारी यांनी हा परवाना बरून दिला जातो याच्याशी आमचा काहीही संबंध नाही.

असे म्हटलेले असल्याने तक्रारदार महिला व नागरीक हे याच तक्रारी अर्जाची प्रत राज्य उत्पादन शुल्क धुळे विभाग यांचेकडे देखील सादर करण्यास जाणार असल्याचे आमच्या तरुण गर्जना प्रतिनिधीस माहिती दिली. तसेच शासनाने त्यांच्या तक्रारी अर्जाचा विचार गांभीर्याने न घेतल्यास आम्ही परवाना देणाऱ्या राज्य उत्पादन शुल्क अधिकाऱ्यांच्या दालनात उपोषण करणार असल्याचा इशारा त्यांनी दिलेला आहे.

तरी महिला हित लक्षात घेता शासनाने तक्रारी अर्जाचा विचार करावा,तरुण गर्जना हे वृत्तपत्र महिला व नागरीक हितासाठी कायम पाठीशी उभा राहत असल्याने या मुद्द्याचा देखील शेवटपर्यंत पाठपुरावा करणार आहे. ( सविस्तर वाचा पुढील अंकात...)