साक्री तालुक्यातील दात्तर्ती व धमनार येथे पांजरा नदी च्या लगत असलेल्या अक्कलपाडा धरणाचे पाणी येत असल्यामुळे वाळू माफियांची नजर आता तिथे लागून आहे.ज्या ठिकाणाहून अवैद्य वाळू उत्खनन व उपसा मोठ्या प्रमाणावर केला गेल्यामुळे या नाल्याची पार दुरावस्था झालेली आहे.तसेच नदी काठच्या शेतकऱ्यांच्या पाईप लाईन चे ही मोठ्या प्रमाणावर नुकसान झालेले पाहावयास मिळते.दात्तर्ती व धमणार येथे नाल्याला लागून असलेले गट क्रमांक 289/1/2 व 289/6/7 मध्ये अवैधरित्या मोठ्या प्रमाणावर वाळू उपसा सुरू आहे.
मध्यरात्रीच्या सुमारास काही वाळूमाफिया वाळू भरून डंपरने नाशिक जिल्ह्यामध्ये पोहोचवली जाते.मालेगाव,सटाणा,देवळा, कळवण,नाशिक,या ठिकाणी मध्यरात्री डंपर पाठवले जात असल्याने शेतकऱ्यांनी वाळू माफियांना अडवण्याचा प्रयत्न केला असता त्यांना दमदाटी व मारहाण करण्यात येते.याबाबत शेतकऱ्यांनी अनेक वेळा महसूल विभागाला निवेदन देऊन देखील कुठल्याही प्रकारची दखल आज तोवर घेतली गेलेली नाही. नदी काठचा रस्त्यास मोठ्या प्रमाणात खड्डे पडल्याने शेतकऱ्यांना आपला माल वाहून नेण्यासाठी व शेतात ये जा करण्यासाठी खूप अडचणींचा सामना करावा लागतो. व त्यामुळे अपघात होण्याची देखील शक्यता नाकारता येत नाही.
दरम्यान मंगळवारी सकाळी 11 वाजता साक्री महसूल विभागाच्या पथकाने घटनास्थळी येऊन पाहणी केली असता, परंतु या वेळी कुठलाही पंचनामा केला नाही.आणि वाळू माफिया चे समर्थन केले, यामुळे असे निदर्शनास येते की वाळू माफिया आनि प्रशासन यांच्यात साठे लोटे असल्यामुळे त्यांच्यावर कायदेशीर कारवाई केली नाही.
असा आरोप या पथकावर तेथील शेतकऱ्यांनी केला आहे. या पथकात म्हसदी चे तलाठी श्री गोडगे व म्हसदी चे सर्कल उदयसिंग पावरा यांचा समावेश असल्या चे शेतकऱ्यांमध्ये बोलले जात आहे.
यावेळी माजी सरपंच वसमार चे व्यंकट नेरे,प्रवीण सोनवणे, पंकज भामरे,लक्ष्मण माळी, दीपक सोनवणे, विजय पवार,प्रकाश सोनवणे,मिलिंद सोनवणे,प्रभाकर सोनवणे, सुनील सोनवणे, यांच्यासह अनेक शेतकरी यावेळी उपस्थित होते
AVB माझा न्युज चॅनल सह
चंद्रशेखर अहिरराव धुळे
कोणत्याही टिप्पण्‍या नाहीत:
टिप्पणी पोस्ट करा