महाराष्ट्रामध्ये सध्या कोरोनाने थैमान घातले आहे. ओमिक्रोनचे रुग्ण देखील वाढत आहेत. रुग्णाकनही वाढती आकडेवारी ही चिंता निर्माण करणारी आहे.

बातमीपत्र दि, 04 जानेवारी 2022 :–

 महाराष्ट्रामध्ये सध्या कोरोनाने थैमान घातले आहे. ओमिक्रोनचे रुग्ण देखील वाढत आहेत. रुग्णाकनही वाढती आकडेवारी ही चिंता निर्माण करणारी आहे.

आता या पार्श्वभूमीवर कडक निर्बंध लागणार का? याबाबत चर्चा सुरु आहे. आता याबाबत  उपमुख्यमंत्री अजित पवार यांनी राज्य पातळीवर महाराष्ट्र सरकार काय निर्णय घेणार आहे, आणि हे निर्णय केव्हा घेतले जाणार आहेत, याची माहिती दिली.

पुण्यात अजित पवार आणि आरोग्यमंत्री राजेश टोपे यांनी पत्रकार परिषद पार पडली, त्यावेळी ते बोलत होते. त्यांनी दिलेल्या माहितीनुसार मुंबईत उद्या राज्यातील मंत्र्यांची बैठक होणार आहे.

सकाळी 9 वाजता ही बैठक पार पडेल. या बैठकीत राज्यपातळीवर काय निर्बंध आणि नियमावली जारी करायची, याबाबचा अंतिम निर्णय घेतला जाण्याची शक्यता आहे.

मुंबईत होणाऱ्या या बैठकीत मंत्री आणि अधिकाऱ्यांसोबत चर्चा करुन अंतिम निर्णय घेतला जाईल, असा अंदाज वर्तवला जातो आहे.उद्याच्या  या बैठकीकडे संपूर्ण राज्याचं लक्ष आता लागून राहील आहे.  

कोरोनाच्या तिसऱ्या लाटेच्या पार्श्वभूमीवर कडक निर्बंध जारी करण्यात आले आहेत. मात्र अजूनही म्हणावी तशी गर्दी कमी होत नसल्यामुळे आता बुधवारी होणाऱ्या बैठकीत नेमका काय निर्णय होतो, हे पाहणं महत्त्वाचे ठरणार आहे.

दरम्यान महाराष्ट्रात काही निर्बंध लागू आहेत. आता मुंबई, पुण्यातील शाळा देखील बंद करण्यात आल्या आहेत.

परंतु आता अजून काही जास्त उपाययोजना करण्यात येतील असे चित्र आहे. उद्याच्या बैठकीत हे चित्र क्लिअर होणार आहे.

कोरोनाची स्थिती पाहता निर्बंध आणखी कडक होऊ शकतात असा अंदाज बांधला जात आहे.

तरुण गर्जना वृत्तपत्र सह

चंद्रशेखर अहिरराव धुळे

चंद्रशेखर अहिरराव धुळे