माजी जि.प.सदस्य ओंकार आबा जाधव हे तालुक्यातील शेतकरी,कष्टकरी, कामगार,व्यापारी व सामान्य माणसाकरिता स्वतःचा वाढदिवस साजरा न करता दि.१ फेब्रुवारीला तहसील कार्यालयासमोर लाक्षणिक उपोषणाला बसणार! .

शिरपुर (प्रतिनिधी):-शिरपुर तालुक्यातील लढाऊ नेते व माजी जिल्हा परिषद सदस्य ओंकार आबा जाधव यांनी प्रसिद्धीस दिलेल्या निवेदनात म्हटले आहे कि, सन २०११ पासून तालुक्यातील दहिवद शिवाजीनगर सरकारी साखर कारखाना तसेच सह.सुतगिरणी व सहकारी दुध संघ बंद अवस्थेत आहेत त्यामुळे संपूर्ण तालुक्यातील शेतकरी,कष्टकरी,कर्मचारी , व्यापारी व तालुक्यातील तमाम जनतेचे मोठ्या प्रमाणात आर्थिक नुकसान होत आहे व सर्वसामान्य जनता हवालदिल झालेली आहे.त्यामुळे शेतकऱ्यांचे  आत्महत्येचे प्रमाण ही वाढलेले आहे. 

तरी वरील कृषी पुरक उद्योग सुरु झाल्यास तालुक्यातील आर्थिक व्यवस्था सुधारेल व शेतकरी सुखी होईल.तसेच महावितरणाकडून देण्यात येणाऱ्या बिलाचे आकारणी संबंधी विवरण व स्पष्टीकरण जनतेसमोर देण्यात यावे.त्याचबरोबर सावळदे तापी पुलावरुन आत्महत्या करणाऱ्यांचे प्रमाणात मोठ्या प्रमाणात वाढ होत आहे. 

त्याकरिता तापी नदीवरील सावळदे व गिधाडे पुलाच्या दोन्ही बाजूला संरक्षण जाळी तात्काळ बसवण्यात यावी . त्याचप्रमाणे शिरपूर नगरपालिकेत पाणीपट्टी बिलाची आकारणी प्रमाणापेक्षा जास्त होत असल्याने जनतेला अधिक भार होतो,म्हणुन केंद्र व राज्य सरकारच्या धोरणाप्रमाणे पाण्यावरील बिल कमीत कमी आकारण्यात यावे.तसेच काही सहकारी आर्थिक संस्थांमधील गंभीर भ्रष्टाचार यांसारख्या वरील सर्व विषयाबाबत शासन प्रशासनाने चौकशी करुन तात्काळ दखल न घेतल्यास आम्ही सर्व शेतकरी व सर्वसामान्य जनता रास्तारोको,जेलभरो,शिंगाडे मोर्चा अशा प्रकारचे जन आंदोलने करण्यात येतील . त्यात होणारे परिणामास सर्वस्वी शासन प्रशासन जबाबदार राहील याची नोंद घ्यावी.

या निवेदनाची प्रत १)जिल्हाधिकारी सो.धुळे २ ) मा.पोलीस अधिक्षक साो. धुळे ३ ) मा.उपविभागीय अधिकारी सो.  शिरपूर,जि.धुळे ४ ) मा.पोलीस उपविभागीय अधिकारी साो.शिरपूर,जि. धुळे ५ ) मा.पोलीस निरीक्षक सो.शिरपूर ६ ) मा.अभियंता सो.महावितरण शिरपूर ( ७ ) मा.ग्रामीण अभियंता सो. महावितरण,करवंद,ता.शिरपूर ८ )मा . तालुका उपनिबंधक साो.सहकारी संस्था,शिरपूर ९ ) मा.मुख्य अधिकारी सो.न.पा.शिरपूर यांच्याकडे समक्ष,ई-मेल आणि रजि.टपालाद्वारे दिले आहे.            

टिप : मी श्री.ओंकारआबा जाधव ( मा . जि.प.सदस्य),माझा १ फेब्रुवारी २०२२ मंगळवार रोजी स्वतःचा वाढदिवस साजरा न करता माझ्या शिरपूर तालुक्यातील शेतकरी व सर्वसामान्य जनतेच्या अडचणी सोडविण्यासाठी तहसिल कार्यालयासमोर लाक्षणीक (लक्षवेधी)उपोषण करण्यात येणार आहे.