नवाब मलिक यांना काही दिवसांपूर्वीच अटक केलेली असताना आता आणखी एका मंत्र्याला ईडीने दणका दिला आहे.
अहमदनगर : राज्य सरकारमधील विविध मंत्र्यांच्या पाठीमागे सक्तवसुली संचालनालय अर्थात ईडीच्या चौकशीचा ससेमिरा लागला आहे. मनी लॉन्ड्रिंग प्रकरणात राष्ट्रवादीचे नेते आणि राज्याचे कॅबिनेट मंत्री नवाब मलिक यांना काही दिवसांपूर्वीच अटक केलेली असताना आता आणखी एका मंत्र्याला ईडीने दणका दिला आहे. अहमदनगरमधील राष्ट्रवादीचे नेते आणि ऊर्जा राज्यमंत्री प्राजक्त तनपुरे (NCP Prajakta Tanpure) यांच्या नागपूर येथील राम गणेश गडकरी साखर कारखान्याची तब्बल १३ कोटी ४१ लाख रुपयांची मालमत्ता ईडीकडून जप्त करण्यात आली आहे.
राष्ट्रवादीच्या मंत्र्याला ईडीचा दणका; तब्बल १३ कोटी रुपयांची मालमत्ता जप्त!
मुंबई पोलिसांच्या आर्थिक गुन्हे शाखेने ऑगस्ट २०१९ मध्ये गुन्हा दाखल केल्यानंतर ईडीने प्राजक्त तनपुरे यांच्या साखर कारखान्याबाबत चौकशी सुरू केली होती. त्यानंतर मागील वर्षी डिसेंबरमध्ये तनपुरे यांचा जबाब नोंदवण्यात आला. हा तपास सुरू असताना आता ईडीने तनपुरे यांच्यावर पीएमएलएनुसार कारवाई करत मालमत्ता जप्त केली आहे.
संजय पांडे मुंबईचे नवे पोलिस आयुक्त, हेमंत नगराळेंना सुरक्षा महामंडळाची जबाबदारी
तनपुरे यांची कोणती मालमत्ता जप्त झाली?
ऊर्जा राज्यमंत्री प्राजक्त तनपुरे यांच्याशी संबंधित नागपूरमधील राम गणेश गडकरी साखर कारखान्याची ९० एकर जमीन ईडीने जप्त केली आहे. तसंच इतर ४.६ एकर जमीनही जप्त करण्यात आली आहे. हा साखर कारखाना राज्य सहकारी बँकेकडून नाममात्र दरात तनपुरे यांच्याशी संबंधित कंपनीला विकण्यात आल्याचा आरोप आहे
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा