आमदार रवी राणा आणि त्यांच्या पत्नी आणि खासदार नवनीत राणा यांनी आज मुख्यमंत्री उद्धव ठाकरे यांच्या खाजगी निवासस्थान असलेल्या मातोश्रीबाहेर हनुमान चालीसाचे पठण करण्याची घोषणा केल्यानंतर मोठ्या प्रमाणात पोलीस बंदोबस्त तैनात करण्यात आला आहे. या घोषणेपासून शिवसेनेचे शेकडो कार्यकर्ते राणा कुटुंबीयांच्या निवासस्थानाबाहेर जोरदार निदर्शने करत होते. मात्र आता हे वादळ काहीसे शांत झाले असून राणा दाम्पत्याने मातोश्रीवर जाण्याचा निर्णय रद्द केला असून आंदोलन संपवत असल्याचं जाहीर केलं आहे.
यावेळी राणा दांम्पत्यानी पत्रकार परिषद घेत, महाराष्ट्रात कुणाला घाबरण्याचं काम नाही. कुणाच्याही धमक्यांना घाबरण्याचं काम नाही. आम्ही कुठल्या दबावालाही बळी पडणारे लोक नाही. आम्ही लोकांची सेवा करून आणि विधानभवन आणि लोकसभेत पोहोचलो आहोत. आज आम्ही ठरवलंय की पूर्ण महाराष्ट्रात पोलीस, जनतेला त्रास होत आहे. त्यामुळे मुख्यमंत्र्यांनी जरी हनुमान चालीसेचा अवमान केला असला तरी सगळ्यांना होणारा त्रास पाहाता आमचं आंदोलन आम्ही संपवत आहोत”, असं रवी राणा यांनी स्पष्ट केलं.
२३ एप्रिल रोजी आपण मातोश्रीवर जाऊन हनुमान चालीसा वाचणार असल्याचं राणा दांपत्यानं जाहीर केलं होतं. मात्र, आज दुपारी घेतलेल्या पत्रकार परिषदेत राणा दांपत्यानं आंदोलन थांबवण्याचा निर्णय जाहीर केला आहे. “राज्यात पोलिसांना, सामान्य जनतेला त्रास होऊ नये आणि उद्या पंतप्रधान नरेंद्र मोदींचा प्रस्तावित मुंबई दौरा रद्द होऊ नये यासाठी आम्ही आंदोलन थांबवण्याचा निर्णय घेतला आहे”, असं रवी राणा यांनी सांगितलं
तरुण गर्जना वृत्तपत्र सह
चंद्रशेखर अहिरराव धुळे
नविनित राणा ही राजकीय नाट्य साठी फेमस कलाकार आहे नौटंकी करून मत घेतले आता विरोधात जाऊन काँग्रेस राष्ट्रवादी जीवा वर निवडून आली बाप बदलला नवऱ्यासाठी भाजपा उडी घेतली डान्सर तर होती आगोदर आता नटकिय आहे
उत्तर द्याहटवा