उपमुख्यमंत्री देवेंद्रजी फडणवीस व माजी उपमुख्यमंत्री अजितदादा पवार यांना तरुण गर्जना वृत्तपत्र समूह कडून वाढदिवसाच्या हार्दिक शुभेच्छा

आज 21जुलै विद्यमान व माजी उपमुख्यमंत्री यांचा वाढदिवस दोन्ही नेत्यांचा वाढदिवस हा योगायोग असावा कारण राष्ट्रवादीचे अध्यक्ष शरदचंद्र पवार आणि भाजपचे स्वर्गीय नेते गोपीनाथजी मुंडे दोन्ही एकमेकांचे राजकीय विरोधक दोघांचा वाढदिवस 12 डिसेंबरला असतो परंतु दोन्ही नेत्यांचा वाढदिवस एकाच दिवशी असणे हा योगायोग असावा आज स्वर्गीय गोपीनाथजी मुंडे साहेब हयात नाही आज 21 जुलै उपमुख्यमंत्री देवेंद्रजी फडणवीस व माजी उपमुख्यमंत्री तथा विरोधी पक्षनेते अजितदादा पवार या दोन्ही नेत्यांचा वाढदिवस आहे.दोन्ही नेते एकमेकांचे राजकीय विरोधक फक्त पाहटेचा शपथविधी अपवाद वगळता दोन्ही नेत्यांना समाजकारण, राजकारणाची खुप तळमळ आहे दोन दिवसांपूर्वीच सुप्रिम कोर्टाच्या आदेशानुसार ओबीसी समाजाला राजकीय आरक्षण मिळाले याचा आनंद सर्वांना झाला व सुप्रीम कोर्टाचे आभारही मानले त्यानंतर सत्ताधारी आणि विरोधकांमध्ये श्रेयवाद सुरु झाला आतांच सत्तेवर आलेल्या सरकारने पंधरा दिवसांत ओबीसी समाजाला राजकीय आरक्षण मिळवून दिले तर माविआ सरकारच्या पाठपुरावाने आरक्षण मिळाले असा दावा विरोधकांचा आहे तसा प्रकार सोशल मीडियावर दिसला आरक्षण कुणी मिळवून दिले हे सत्ताकारणात महत्त्वाचे आहे ज्यांनी मिळवून दिले त्यांचे आभार परंतु धनगर आरक्षण अंमलबजावणीचे काय? झाले राज्यात लोकसंख्येच्या मानाने नंबर दोन वरती धनगर समाज आहे 2014 पुर्वी केंद्रात आणि राज्यात काँग्रेस व राष्ट्रवादी काँग्रेस पक्षाचे सरकार होते. त्यांनी धनगरांना आरक्षण दिले नाही म्हणून धनगरांनी बारामती मध्ये राज्यव्यापी आंदोलन उभे केले त्यावेळी विरोधी पक्ष भाजप व शिवसेनेच्या वतीने आताचे उपमुख्यमंत्री देवेंद्रजी फडणवीस यांनी सांगितले होते की आमचे सरकार आले तर पहिल्या कॅबिनेट मध्ये धनगरांना आरक्षण देणार असे आश्वासन दिले होते त्यामुळे धनगरांनी अपेक्षापोटी भरभरून मतदान दिले आणि भाजप व शिवसेना पक्षाचे सरकार सत्तेवर आले तेव्हा पासून तर आजपर्यंत धनगरांना आरक्षण मिळाले नाही. त्यानंतर काँग्रेस व राष्ट्रवादी काँग्रेस पक्ष विरोधात बसले त्यांनाही वाटले की धनगरांना आरक्षण द्यावे म्हणून अधिवेशन काळात पिवळेफेटे खांद्यावर घोंगडी घेत आंदोलन केले सत्ताधारी आणि विरोधी पक्षांची भूमिका धनगरांना आरक्षण द्यावे अशी आहे तर अडवले कुणी असा प्रश्न उपस्थित होतो पाच वर्षे सत्ता असतांना आरक्षण देता आले नाही त्यानंतर महाविकास आघाडीचे सरकार स्थापन झाले धनगरांचे आरक्षणाला पाठिंबा आहे असे म्हणणारे तीन पक्ष मिळुन सत्तेवर आले होते तरी धनगरांना आरक्षण मिळाले नाही तर विरोधात भाजपा होती.ज्यांनी मराठा आणि ओबीसी समाजाला आरक्षण दिले त्यांनी धनगरांना आरक्षण का? दिले नाही असा प्रश्न उपस्थित होतो असो आता पुन्हा भाजप आणि शिंदे गट एकत्र येऊन सत्तेवर आलेत त्यावेळी पहिल्या कॅबिनेट मध्ये आरक्षण देणार होते म्हणून देवाने पुन्हा संधी दिली जे आश्वासन तेव्हा पुर्ण करता आले नाही ते आश्वासन ईच्छाशक्ती असेल तर आता पुर्ण करता येईल मुख्यमंत्री, उपमुख्यमंत्री सहमत आहेत तर माजी उपमुख्यमंत्री तथा विरोधी पक्षनेते अजित पवार यांनी विरोधी पक्षात असतांना धनगरांना आरक्षण द्यावे अशी मागणी अनेक वेळा केली आहे योगायोग आज विरोधी पक्षनेते आहेत म्हणजे सत्ताधारी आणि विरोधकांची भुमिका धनगरांना आरक्षण देण्याची आहे. ज्याप्रमाणे ओबीसी समाजाला आरक्षण मिळवून दिले आणि श्रेय घेतले त्याचप्रमाणे धनगरांना आरक्षण मिळवून श्रेय घ्यावे दोन्ही राजकीय पक्षाचे विद्यमान नेते उपमुख्यमंत्री देवेंद्रजी फडणवीस आणि माजी उपमुख्यमंत्री अजितदादा पवार यांनी धनगर समाजाला आरक्षण मिळवून द्यावे याचं वाढदिवसा निमित्त मनपूर्वक शुभेच्छा....

तरुण गर्जना वृत्तपत्र सह चंद्रशेखर अहिरराव धुळे