चोपडा प्रतिनिधी :–चोपडा तालुक्यांतील चहार्डी ग्रामपंचायत येथील लिपिक पंकज देवराम कोळी याने स्वतःचे आर्थीक फायदयासाठी त्याच्या पदाचा दुरुपयोग करुन, दि.१३ जुलै रोजी त्यास चहार्डी ग्रामपंचायतीने कोणत्याही प्रकारचे अधिकार दिलेले नसतांना त्याने ग्रामपंचायत कार्यालयातील प्रोसीडींग व मासिक सभे मध्ये ठराव करुन बोजा उतरविणे अपेक्षित असताना त्याने दिनांक २६ मार्च २०२२ रोजीच्या मासिक सभेत ठराव क्रंमाक ४/३६ येथे फेरफार नोंद करुन तसेच नमुना नंबर ८ मध्ये घर क्रंमाक २२२३ व २२२८ वरील बोजे उतरुन फिर्यादी कुंदन उत्तम कुमावत (ग्राम विकास अधिकारी ) व ग्रामपंचायत कार्यालयाची फसवणुक केली म्हणुन ग्राम विकास अधिकारी यांच्या फिर्यादी वरून चोपडा शहर पोलीस ठाण्यात लिपीक पंकज देवराम कोळी विरुद्ध गु. र.नं.सी सी टी एन एस भाग ५ २८९/२०२२ भादवी कलम ४२०,४६५,४६८,४७१प्रमाणे गुन्हा नोंदविण्यात आला आहे.
पदाचा दुरूपयोग, ग्रामपंचायतीची फसवणुक व बनावटीकरण प्रकरणी लिपिका विरुद्ध गुन्हा नोंदविण्यात आला असून पुढील तपास चोपडा शहर पोलीस स्टेशनचे पोलीस निरीक्षक अवतारसिंग चव्हाण यांच्या मार्गदर्शनाखाली प्रदिप राजपूत करीत आहे.
कोणत्याही टिप्पण्‍या नाहीत:
टिप्पणी पोस्ट करा