नंदुरबार, दि.20(प्रतिनिधी)अन्न पदार्थ विक्री करणाऱ्या व्यवसायिकांना अन्न परवाने व नोंदणी प्रमाणपत्र जागेवर उपलब्ध करुन देण्यासाठी अन्न व औषध प्रशासनामार्फत धडगाव येथे शिबिराचे आयोजन करण्यात आले होते. या शिबिरामध्ये अन्न पदार्थ विक्री करणाऱ्या ज्या व्यावसायिकांनी संगणकीय प्रणालीवर नोंदणी केली अशा व्यवसायिकांना 18 अन्न परवाना व 23 नोंदणी प्रमाणपत्र देण्या्त आले.
अन्न सुरक्षा व मानके कायद्यातंर्गत अन्न पदार्थ विक्री करणाऱ्या आस्थापनांना अन्न परवाने व नोंदणी करणे आवश्यक आहे. विनापरवाना अन्न व्यवसाय करणे हा कायद्याने गुन्हा असून त्यासाठी व्यवसायिकांना सहा महिन्यापर्यंत शिक्षा व रुपये 5 लाखापर्यंत दंडाची रक्कम आकारण्याबाबत कायद्यात तरतूद आहे.
जिल्ह्यातील अद्यापही ज्या अन्न व्यवसायिकांनी अन्न विक्री परवाना घेतला नाही अशांनी https://focus.fssai.gov.in या संकेतस्थळावर ऑनलाईन अर्ज सादर करुन परवाना व नोंदणी प्रमाणपत्र प्राप्त करुन घ्यावे.विना परवाना अन्न व्यवसाय विक्री करणाऱ्या व्यवसायिकावर अन्न व औषध प्रशासनामार्फत विशेष मोहिम राबवून कारवाई करण्यात येईल. असे सहायक अन्न व औषध प्रशासनाचे सहायक आयुक्त संतोष कांबळे यांनी एका प्रसिद्धीपत्रकान्वये कळविले आहे.
कोणत्याही टिप्पण्‍या नाहीत:
टिप्पणी पोस्ट करा