पिंपळनेर शहरातील गणेशोत्सव व नामसप्ताह यात्रा महोत्सव निमित्त सर्वच मंडळाच्या पदाधिका-यांनी शांततेत साजरा करून सांस्कृतिक व आध्यात्मिक परंपरा व एकोपा कायम राखून नियमांचे पालन करून कायदा व सूव्यवस्था अबाधित ठेवण्यासाठी पोलीस प्रशासनाला सहकार्य करावे,असे आवाहन पोलीस उप विभागीय अधिकारी प्रदीप मैराळे यांनी येथील पोलीस ठाण्यात आयोजित शांतता समितीच्या बैठकीत बोलताना केले. कार्यक्रमात अध्यक्षस्थानी पोलीस उप विभागीय अधिकारी प्रदीप मैराळे हे होते. तर याप्रसंगी सरपंच देविदास सोनवणे, उपसरपंच विजय गांगुर्डे, माजी जि.प.सदस्य ॲड.ज्ञानेश्वर एखंडे ,विठ्ठल मंदिर संस्थानचे मठाधिपती हभप योगेश्वर देशपांडे महाराज, माजी सभापती संजय ठाकरे, संभाजी अहिरराव, धनराज जैन,सहाय्यक पोलीस निरीक्षक सचिन साळुंखे व जहुर जहाॅगीरदार व्यासपीठावर उपस्थित होते.
याप्रसंगी श्री मैराळे यांनी बोलताना पुढे सांगितले की,गणपती मंडळांचे सदस्य हे अठरा वर्षापुढील असावे. गणपती स्थापनामंडपास लागून रस्ता मोकळा ठेवा.वीज जोडणीची विद्युत मंडळाची परवानगी घेऊन कनेक्शन घ्यावी. काही अनुचित घटना घडल्यास कायदेशीर कारवाई केली जाईल असा इशारा देत समाजकंटकापासून सावधान राहा.पोलीसांची नजर आहेच.मंडळाच्या सदस्याची यादी पोलीसाना द्या.तसेच यात्रोत्सवात मोकाट जनावराचा बंदोबस्त ग्रामपंचायतीने करावा.मोकाट गुरांचा धक्का मूर्तीस लागणार नाही याची दक्षता घेऊन यासाठी दोन दोन स्वयंसेवक उभे करून काळजी घेणे गरजेचे आहे असे सांगून ध्वनीक्षेपकाबाबत मर्यादेचे उल्लंघन नको.तर वीज वितरण कंपनीने लोंबकळणा-या तारांची दुरूस्ती करून सहकार्य करण्याचे आवाहन केले. तर वादग्रस्त व धार्मिक भावना दुखावतील अशा पोष्ट सोशील माध्यमातून पसरवून नयेत.तर शेवटी पोलीसांना ही भावना असतात, त्यांनाही सण साजरे करायची इच्छा असते म्हणून गणेश मंडळांनी कायदा व शिव व्यवस्थेच्या भान ठेवून कार्यक्रमाचे आयोजन करावे व नाम सप्ताहात देखील कुठल्याही अनुचित प्रकार घडू नये याची काळजी घ्यावी असे आवाहन यावेळी पिंपळनेर पोलीस स्टेशनचे पीआय श्री साळुंखे साहेब यांनी केले
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा