शिंदखेडा (यादवराव सावंत) प्रतिनिधी शहरात व काॅलनी परिसरातील सार्वजनिक व घरगुती गणपती बाप्पा चे ढोल ताशा व डिजेच्या तालावर विविध मंडळांच्या पदाधिकारीनी वाजतगाजत मिरवणूकीने मोठ्या उत्साहात आगमन झाले. गेल्या दोन वर्षांपासून कोरोणा महामारीच्या खंडानंतर ह्या वर्षी गणरायाचे जोरदार तयारी विविध मंडळांच्या पदाधिकारीनी सुरु केली.
शहरातील मुख्य चौकात आज सकाळपासून नंदुरबार,सुरत,
बामणे, धमाणे, शिंदखेडा, धुळे येथुन लहानांपासून मोठ्यांपर्यंत गणपती बाप्पा ची मुर्तीचे आगमन करण्यात आले.सकाळपासुन गणपती व सजावट साहित्य खरेदी करण्यासाठी नागरिकांनी गर्दी केली होती.बाजारपेठ फुलुन दिसत होते.
त्यानंतर दुपारपासून विधीवत पूजा करून सार्वजनिक व घरगुती गणपती बाप्पा ची स्थापना करण्यात आली. शहरातील लालचंद नगर,बी.के. देसलेनगर,वरुळ रोड शिवबा राजे, केदारेश्वर मंदिर,एकविरा काॅलनी,गणेश काॅलनी,गुरुक्रृपा काॅलनी, महावीर काॅलनी,सिंधी कॉलनी,जाधव नगर, गांधी चौक,साईलिला नगर,राजपूत गल्ली,देसाई गल्ली,साबरहट्टी,वीर एकलव्य नगर,धनश्री काॅलनी,जोगेश्वरी नगर,सिद्धार्थ नगर,मारोती मंदिर माळी वाडा यांसह विविध मंडळांच्या माध्यमातून गणरायाची स्थापना करण्यात आली.
शहरातील वरुळ रोड श्रीमंत शिवबा राजे गणेश मित्र मंडळातर्फे दरवर्षी शैक्षणिक सांस्कृतिक कार्यक्रम आयोजित केले जातात. विविध विषयांवर प्रदर्शन व कार्यक्रम होत असल्याचे मंडळ प्रमुख योगेश देसले यांनी सांगितले.ह्या वर्षी गणरायांची मोठ्या प्रमाणावर उत्साह संचारला आहे.शिंदखेडा पोलीस स्टेशन चे पोलीस निरीक्षक सुनील भाबड यांच्या नेतृत्वाखाली शहरात चोख बंदोबस्त ठेवला आहे.
कोणत्याही टिप्पण्या नाहीत:
टिप्पणी पोस्ट करा