मुंबईतील हिंदू तरुणी ‘श्रद्धा वालकर’ हीचे 35 तुकडे करून तिची निर्घृणपणे हत्या करणारा नराधम लव्ह-जिहादी आफताब पुनावालाच्या विरोधात देशभरात तीव्र संताप व्यक्त होत आहे. हे प्रकरण ताजे असतांना उत्तर प्रदेशातील लखनौ येथेही 19 वर्षीय ‘निधी गुप्ता’ या हिंदू तरुणीने धर्मांतर करण्यास नकार दिल्यामुळे सूफियान या नावाच्या मुसलमान युवकाने तिला चौथ्या मजल्यावरून फेकून तिची निर्दयीपणे हत्या केल्याची दुसरी घटना समोर आली आहे. या केवळ एक-दोन घटना नसून अनेक उदाहरणे यापूर्वीही समोर आलेली आहेत. असे अनेक ‘आफताब व सूफियान’ उजळ माथ्याने समाजात फिरत आहेत. जिच्यावर प्रेम करतो, त्या व्यक्तीची अशी निघृण हत्या कोणी करणार नाही. त्यामुळे या वासनांध, क्रूर आणि नराधम ‘लव्ह जिहादी’ आफताब पुनावाला व सूफीयान यांना तात्काळ फासावर लटकवावे, तसेच हिंदू मुलींचे आयुष्य उद्ध्वस्त करणारा नवा आतंकवाद अर्थांत् ‘लव्ह जिहाद’ला रोखण्यासाठी स्वतंत्र आणि कठोर असा ‘लव्ह जिहाद विरोधी कायदा’ करण्यात यावा, अशी मागणी धुळे येथील समस्त हिंदुत्ववादी संघटनांनी आंदोलनाच्या माध्यमातून शासनाकडे करण्यात आली.
या आंदोलनात हिंदु जनजागृती समितीची महिला शाखा ‘रणरागिणी’, शिवप्रतिष्ठान हिंदुस्थान, हिंदू एकता आंदोलन पक्ष, स्वदेशी जागरण मंच, राष्ट्रीय स्वयंसेवक संघ, चंद्रशेखर आझाद नगर शिवजयंती उत्सव समिती, राजेश्वर मित्र मंडळ, आद्य श्री शिवछत्रपती गोरक्ष जन आंदोलन, प्रहार अपंग क्रांती संस्था, इंदिरा महिला मंडळ धुळे, श्रीराम सेना नरव्हाळ, प्रभातनगर सांस्कृतिक मित्र मंडळ देवपूर धुळे आणि सनातन संस्था आदी विविध हिंदुत्वनिष्ठ संघटनांनी सहभाग घेतला. या वेळी ‘आता अबला नको तू सबला हो, चंडी, दुर्गा, काली हो !’, ‘लव्ह जिहादी नराधम आफताब व सूफियानला फाशी द्या !’, ‘लव्ह जिहादविरोधी कायदा लागू करा !’ अशा घोषणाही देण्यात आल्या.
हिंदु मुलींना फसवून प्रेमाच्या जाळ्यात ओढून त्यांचे धर्मपरिवर्तन करणे, त्यांच्याशी ‘निकाह’ करणे, याला नकार दिल्यास बलात्कार करणे, ब्लॅकमेल करणे, हत्या करणे आदी गंभीर प्रकारांची हजारो प्रकरणे यापूर्वी उघड झाली आहेत. आपल्या मुली-बाळींना पळवण्यासाठी हे नराधम आपल्या घरापर्यंत पोहोचले आहेत. आपल्या पोटच्या पोरीचे 35 तुकडे पुन्हा होऊ देणार आहात का? त्यामुळे ‘लव्ह जिहाद’च्या घटना रोखण्यासाठी येत्या हिवाळी अधिवेशनात ‘लव्ह जिहादविरोधी कायदा’ करण्यात यावा, अशी मागणीही धुळे येथील समस्त हिंदुत्ववादी संघटनांच्या वतीने करण्यात आली.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्‍या नाहीत:
टिप्पणी पोस्ट करा