शिरपूर तालुक्यातील सांगवी येथून 18 वर्षीय तरुणी बेपत्ता,शोध सुरू

शिरपुर प्रतिनिधी : शिरपूर तालुक्यातील सांगवी येथील घटना बाजारात जाऊन येते,असे सांगून १८ वर्षीय युवती बेपत्ता झाल्याची घटना तालुक्यातील जुनी सांगवी येथे घडली असून सांगवी पोलिसात मिसिंग नोंद करण्यात आली आहे.याबाबत बेपत्ता मुलीच्या भावाने सांगवी पोलिस ठाण्यात तक्रार दाखल केली आहे. 

दाखल तक्रारीनुसार १७ फेब्रुवारी रोजी दुपारी अडीच वाजेच्या सुमारास तिने घरात मैत्रिणीला आईने बाजार करण्यासाठी बोलावले असल्याचे सांगून ती बाजारात गेली.त्यानंतर ती उशिरापर्यंत घरी परत आली नसल्याने परिसरात व नातेवाइकांकडे शोध घेतला मात्र ती मिळून आली नाही किंवा अद्याप घरी परत नसल्याची तक्रार तालुका पोलीस ठाण्यात दाखल करण्यात आल्याने पोलिसांनी बेपत्ता नोंद केली असून,पुढील तपास हवालदार सुनील पाठक करीत आहेत.