धुळे - येथील जिल्हा परिषदेच्या स्थायी समिती सदस्यांच्या निवडणुकीत भाजपाचे दोन सदस्य तर राष्ट्रवादी च्या एका सदस्याचा विजय झाला आहे. दरम्यान झालेल्या या निवडणुकीत भाजपाच्या सदस्यांची मते फुटले असल्याची चर्चा जिल्हा परिषदेच्या आवारात सुरू होती. अनपेक्षित रीत्या निकाल लागल्याने सर्वांच्या भुवया उंचावल्या आहे.
जिल्हा परिषदेच्या स्थायी समितीच्या आठ सदस्यांपैकी 3 सदस्यांच्या निवडीसाठी जिल्हा परिषदेच्या सभागृहात मतदान प्रक्रिया पार पडली. यात भाजपाकडून तुषार रंधे, कुसुम निकम व संग्राम पाटील हे रिंगणात होते. तर महाविकास आघाडीच्या वतीने राष्ट्रवादीचे किरण पाटील हे संग्राम पाटील यांच्या विरोधात निवडणुकीच्या रिंगणात होते. यात झालेल्या मतमोजणी मध्ये भाजपाचे कुसुम निकम व तुषार रंधे यांचा विजय झाला आहे तर संग्राम पाटलांना पराजित करून राष्ट्रवादीचे किरण पाटील हे महाविकास आघाडी कडून विजयी झाले आहे. या झालेल्या निवडणुकीत भाजपा सदस्यांची मते फुटल्याने भाजपावर आत्मपरीक्षणाची वेळ आली आहे. एकंदरीतच किरण पाटलांचा विजय झाल्याने जिल्हा परिषदेच्या आवारात महाविकास आघाडीचे नेत्यांकडून फटाक्यांची आतिषबाजी करत जल्लोष साजरा करण्यात आला आहे.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा