कापूस लागवडीसाठी बियाणे उपलब्ध करून द्याव यासाठी निवेदन देण्यात आले
धुळे जिल्हा हा कापसाचा जिल्हा म्हणून ओळखला जातो. येथील शेतकऱ्यांचे कापूस हे मुख्य पीक आहे. त्यामुळे शेतकरी पूर्व हंगामी साधारण 15 ते 20 मे पासून कापसाची लागवड करीत असतो, म्हणून शासनाने शेतकऱ्यांना दि.15 मे 2023 पासून कापसाचे बी.टी बियाणे उपलब्ध करून द्यावे, अशी मागणी शेतकरी व सीड्स पेस्टिसाइडस, फर्टीलायझर डिलर्स असोसिएशनच्यामार्फत करण्यात येत आहे. त्या अनुषंगाने आज धुळे जिल्हा सीड्स पेस्टिसाइड, फर्टीलायझर डीलर्स असोसिएशन धुळे आणि शेतकऱ्यांनी निवेदन दिले. म्हणून शेतकऱ्यांचे हित आणि मागणी लक्षात घेऊन बी.टी. कापूस बियाणे 15 मे 2023 दरम्यान उपलब्ध करून द्यावे. अशी मागणी मी करीत आहे. या मागणीबाबत मा. मुख्यमंत्री आणि मा.कृषीमंत्री यांना पत्रही देण्यात आले आहे. 15 मे दरम्यान लागवड झालेल्या कापसाचे उत्पन्न वाढत असते. तसेच कापसावर कीड,अळी व रोगराईचा प्रादुर्भावही कमी असतो. त्यामुळे शेतकऱ्यांचे उत्पन्न वाढून आर्थिक फायदा होत असतो.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा