शिरपूर प्रतिनिधी महाराष्ट्र आज १ दिन निमित्ताने नालंदा एज्युकेशन सोसायटी शिरपूर संचलित,प्रियदर्शनी मुला मुलींची निवासी मूकबधिर विद्यालय शिरपूर येथे महाराष्ट्र दिन साजरा करण्यात आला.त्याप्रसंगी ध्वजारोहण संजय हांडे साहेब ( निरीक्षक राज्य उत्पादन शुल्क महाराष्ट्र राज्य विभाग शिरपूर) व त्यांच्या धर्मपत्नी सौ.हांडे मॅडम यांच्या हस्ते करण्यात आला. त्याप्रसंगी भूमी फाऊंडेशन चेन्नई शाखा पुणे यांच्या सौजन्याने संजय हांडे साहेब व त्यांची मुलगी कु.वेदश्री हांडे यांच्या अथक प्रयत्नाने ४ संगणक संच शाळेला भेट म्हणून मिळाले.त्या प्रसंगी संगणक कक्षाचे उदघाटन करण्यात आले.त्यावेळी विद्यार्थ्यांना खाऊ वाटप करण्यात आला.सदर कार्यक्रमाला शाळेचे मुख्याध्यापक संजय देशमुख सर शिक्षक व शिक्षकेतर कर्मचारी वर्ग,चर्चचे फादर एबी एल जंबिलसा, राज्य उत्पादन शुल्क शिरपूर देवरे आण्णा, पत्रकार संतोष भोई,पालक मेहमूद शेख, शाळेचे माजी विद्यार्थी उपस्थित होते.
याबाबत आमचे तरुण गर्जना वृत्तसेवेचे प्रतिनिधी यांनी राज्य उत्पादन शुल्क निरीक्षक हांडे साहेब त्यांचे मनोगत घेतले असता त्यांचे समाजकार्यात असलेले मन व भावना अत्यंत प्रेमळपणे प्रकट केल्यात.यातून समाजातील इतर शासकीय कर्मचारी व उच्च पदस्थ अधिकारी यांनी देखील आपण समाजाचे काही देणे लागतो ही भावना समोर ठेवून समाजाप्रती सहकार्य करावे.असा एक आदर्श त्यांनी समाजासमोर उभा केला आहे.ते म्हणाले की भूमी एनजीओ व प्रियदर्शनी मूक बधिर विद्यालय शिरपूर मध्ये एक समन्वयकाची भूमिका बजावून मी सदर विद्यालयास एक विशेष बाब म्हणून मुलांच्या सर्वागीण प्रगतीसाठी प्रयत्न करून ४ संगणक संच व इतर साहित्य मिळवून दिले आहेत...त्यामध्ये भूमी एनजीओ चे संघटक माझी मुलगी कु.वेदश्री हांडे व प्रियदर्शनी विद्यालयाचे मुख्याध्यापक देशमुख सर व त्यांचे सहकारी यांची मोलाची भूमिका आहे.मी निरीक्षक राज्य उत्पादन शुल्क शिरपूर येथे काम करत असताना शासकीय कामाबरोबर समोरच असणाऱ्या मूक बधिर विद्यालयातील मुलांच्या गरजा ओळखून आवश्यक ते साहित्य विविध संस्थांमार्फत मिळून दिल्याने मुलांच्या चेहऱ्यावरील हास्य,आनंद,समाधान यातुन आपलेपणाची झालेली जाणीव पाहून त्यांच्यासाठी केलेल्या प्रयत्नांचे मला आत्मिक समाधान वाटते
खरोखरच समाजात अशा सामाजिक कार्यकर्त्यांची गरज आहे ज्यामुळे समाजातील तळागाळातील गोरगरीब अंध,अपंग,मूकबधिर असे दिव्यांग मुलांचा विकास होऊ शकतो.त्यांच्या या कार्याला आमचा सलाम आहे.
कोणत्याही टिप्पण्या नाहीत:
टिप्पणी पोस्ट करा