परंडा (राहूल शिंदे) दि.२६ महाराष्ट्र राज्य माध्यमिक व उच्च माध्यमिक शिक्षण मंडळातर्फे घेतलेल्या बारावी फेब्रुवारी २०२३ परीक्षेचा ऑनलाईन निकाल गुरुवार रोजी जाहीर झाला. यामध्ये परंडा तालुक्यात कला शाखेतून प्रथम क्रमांक शेळगाव येथील माणिकबाबा माध्यमिक व उच्च माध्यमिक विद्यालयाच्या विद्यार्थीनी सय्यद मुस्कान सलीम व वाघमारे ललिता उमेश यांनी ८७.५० टक्के गुण घेऊन प्राप्त केला आहे.
शाळेतून बारावी परीक्षेला बसलेले ४७ पैकी ४६ विद्यार्थी उत्तीर्ण झाले.विद्यालयाने बारावीच्या परीक्षेत यशाची परंपरा कायम राखत ९७.८७ टक्के निकाल लागला, विद्यालय नेहमी गुणवत्ता राखत निकालाची परंपरा कायम ठेवत आहे. यशस्वी विद्यार्थ्यांचे संस्थपक अध्यक्ष अँड. सुभाषराव मोरे,संस्था सचिव अमर मोरे, माजी. जि.प.सदस्या पुष्पाताई मोरे, माजी प्राचार्य संभाजी मोरे, सुधाकर खरसडे, परदेशी सर, प्राचार्य गुरुदास काळे व सर्व शिक्षक-शिक्षकेत्तर कर्मचारी व पालक-ग्रामस्थ आदींनी कौतुक केले.
कोणत्याही टिप्पण्या नाहीत:
टिप्पणी पोस्ट करा