साक्री तालुक्यातील बोदगाव येथील डोंगरु जिभाऊ बहिरम यांनी विविध मागण्यांसाठी धुळे शहरातील क्यूमाईन क्लब समोर गेल्या 1 मे पासून उपोषण सुरू केले होते. त्यांच्या या उपोषणाला अनेक संघटना पक्षानी पाठिंबाही दिला होता, अखेर तीन दिवसानंतर बोदगाव येथील डोंगरु बहिरम यांच्या मागण्या संदर्भात जिल्हा प्रशासनाने आश्वासनाचे पत्र देऊन अधिकाऱ्यांमार्फत त्यांचे उपोषण सोडविले आहे...
प्रत्येक शेतकरी खातेधारकाला केंद्र शासन व राज्य शासनाने खरीप हंगामासाठी 15 हजार रुपये व रब्बी हंगामासाठी 15 हजार रुपये द्यावे. व प्रत्येक खाजगी व्यापाऱ्याला हमीभावाप्रमाणे माल खरेदी करण्यास भाग पाडावे, शेतकऱ्यांच्या उत्पादनांना चांगला हमीभाव द्यावा, पर्यावरणाचे संवर्धन टिकवण्याकरिता उपयोजना कराव्यात अशा विविध मागण्यांसाठी डोंगर जिभाऊ बळीराम यांनी उपोषण सुरू केले होते.अखेर जिल्हा प्रशासनाने त्यांना आश्वासनाचे पत्र देऊन धुळे जिल्हाधिकारी कार्यालय गृह शाखेचे उपचिटणीस दिपक पाटील यांनी उपोषण सोडविले आहे.यावेळी त्यांच्या समवेत इतर अधिकारी तसेच राष्ट्रीय जनता दलाचे महासचिव श्रावण खैरनार, कॉम्रेड पोपटराव चौधरी, आदी यावेळी उपस्थित होते.....
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा